Mattêuse 27:50 - Labrador Inuttitut Heritage Bible

⁵⁰ Jêsusele ama nipperᴋortovlune pivok, anernangerdlunalo.

Mattêuse 27:50 Iomraidhean Croise

Daniel 9:26

Vôgillo 62 kingorngani Messiasi kipijaulârpoᴋ ilaᴋarniangilarlo; angajoᴋâᴋsûblo tikilârtûb inungita iglugasaksuit ivsornaitoviglo assirolârpait; supinisoarlo nakkatigilârpâ, nâningalo tikidlugo unatarniᴋalârpoᴋ; assirosainirit kajusijutauvut.

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Mattêuse 27:49

Assingille oᴋarput: ovatsiaro, takunârta, Elîasib piulijartormangâgo!

Markuse 15:37

Jêsusele nipperᴋortovlune anernangerpoᴋ.

Lukase 23:46

Jêsuselo nipperᴋortovlune oᴋarpok: Atâtak, anernera aggangnut perᴋovara. Taimâk oᴋarame, anernangerpok.

Johannese 10:11

Uvanga tikipunga, inôtsemik piksaniglo nâmaktunik peᴋarᴋovlugit.

Johannese 10:15

Sôrlo Atâtab ilitaringmanga, uvangalo âtâta ilitarigapko. Inôseralo tunivara saugat pivlugit.

Johannese 19:29

Imektauteᴋarpoᴋ tagvane sêrnartomik imalingmik. Tâpkoale niperᴋumik misuksivut, ajaupiamullo kapomitârlugo, ᴋaninganullo manivât.

Johannese 19:30

Jêsusib sêrnartok pigamiuk, oᴋarpok: Nâmaksivok! Niaᴋonelo nairpâ, anernangerdlunelo.

Ebrêerinut 2:14

Taimaimat, sorlo sorutsit uvineᴋarlutiglo auᴋarmatta, tâmna ukkutitunaᴋ tamakkoninga illangiusimavoᴋ, toᴋominut pitsartuerutijomavlugo toᴋub pitsartuninganik peᴋartoᴋ, tagva Sâtanase,

Ebrêerinut 5:7

Tâmna uviningme inôtilugo tuksiarnermiglo ᴋenunermiglo tunerguserpoᴋ angijomik nipliadlarlune ᴋugviudlarlarmelo tâpsomunga piulijungnartiminut toᴋomit; tussâjaugivorlo, Gûde nâlekamiuk.

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.