Mattêuse 27:4 - Labrador Inuttitut Heritage Bible

⁴ Oᴋarlunalo: Idluitulilaukpunga, auk pasijaksaungitok pitinapko.

Mattêuse 27:4 Iomraidhean Croise

I Atannit 21:27

Ahabible oᴋautsit taimaitut tusaramigit, annorane allikpait, pôngmiglo tapserusêvok timiminut, nerritaililunelo, sinnilarmelo pôngme, sukᴋailisarlunelo pisukpok.

II Atannit 24:4

Auk passijaksaungitok kovilauktanga pivlugotauk, Jerusalemelo nâmatilaungmagit aungmut passijaksaungitomut, Nâlekab issumagijungnaivigijomalaungilait.

Hiobe 13:4

Illipse taimângolungitomik tukkeᴋartigapsiuk, âniasiorteôlukluselo ilûnnase.

Hiobe 16:2

Taimaitomik tussarᴋattarlaukpunga. Ilûnnase mannigoijôvose piungitut pagvinartut.

Imgerut 94:21

Kippalilutik kattimalerput idluartub tarninga akkerartoromavlugo, auglo passijaksaungitok passijaksaunerarpât.

Exodus 12:31

Moseselo Aronelo ᴋairᴋovak unnuarme, oᴋarlunelo: Nikovigitse, aularluselo inuᴋotima akornganit, iliptiglo Israêlikullotauk, Nâlegarlo kivgartoriartorsiuk, sorlo oᴋalaurapse.

Exodus 9:27

Tagva Farao tiliklerpok, Moseselo Aronelo ᴋairᴋovlugik, oᴋautivlugiglo: Tamattomane idluitulivunga; Nâlegak idluartôvok, uvangale inuᴋotikkalo idluitoksôvogut.

Salomob Okâl 12:8

Silatuninga malliklugo angut nertortauvok; Ommateᴋartorle mumiksimajomik kangusuktitauvok.

Jeremia 26:15

Kaujimaleritsele nalonangimariktomik, toᴋogupsinga auk pasijaksaungitoᴋ pitiniarapsiuk ilipsingnut iglugasaksoarnullo ukkununga inunginullo; tagva mikseᴋârtôvoᴋ Nâlakab tilisimangmanga ilipsingnut oᴋautsit tamakkoa tamaita oᴋâlautigilugit siutipsingnut perᴋovlunga.

Jona 1:14

Tamanna pivlugo Nâlegaᴋ ᴋaigarsugvigivât, oᴋarlutik: Kenuvigidlarpaptigit, Nâlegaᴋ, angutib oma inôsinga asserortaujutiginiaratigo, auglo passijaksaungitoᴋ iliniarnago uvaptingnut; igvit, Nâlegaᴋ, idluarijarnik piniaravit.

Mattêuse 27:19

Kiglisiniarviublo iksivautangane iksivalertilugo, nuliangata oᴋautjaujartorᴋovâ: Idluartok una allaruk; unnuak sinnaktomavlunga tâmna pivlugo angijomik ikpigilaukpunga.

Mattêuse 27:54

Sorsuktuksalle angajoᴋângata ilangitalo, Jêsusemik udjertortut, nuna sajukpilâdlartok takogamitsuk, tatamnartullo assingit, kakilângadlalerput, oᴋarlutiglo: Âhamarik, Gûdib tâmna Ernerivâ!

Lukase 23:22

Pingajuangniglo apersorpait: ᴋanoetomik idluitulilaukâ? Toᴋotaujutiksamik nagvârvigingilara; tamanna pivlugo issaᴋadlarlugo aularᴋojomavara.

Lukase 23:41

Uvaguglo pitlartaujariaᴋaramnuk, idluitulilauramnuk; tâmnale idluitulilangilak.

Lukase 23:47

Angajoᴋâble iliortoᴋalauktut takogamigit, Gûde nakoridlarpâ, oᴋarlunelo: Âhamarik, angut tâmna idluartôlauktok!

Johannese 19:7

Jûdit kiovait: Perᴋojaᴋarpogut, perᴋojarlo tâmna maliklugo toᴋotaksauvok; ingminik erniotingmat Gûdemut.

Apostelit Piniarningit 13:28

Nagvârlungigalloardlutik toᴋotsitiksangonermik, Pilatuse tuksiarvigivât toᴋotserᴋovlugo tâpsominga.

Rômiunut 3:19

Kaujimavogulle, perᴋojat oᴋausingit taipkonunga perᴋojalingnut pingmatta; ᴋanit ilûnatik simiktauᴋovlugit, silaᴋsûblo inungit ilûnatik pasijaksauᴋovlugit Gûdib sângane.

I Timôteusemut 4:2

Takkormôrnermut saglojunik oᴋausilit, ôsimajomiglo nalunaikutaᴋartut issumamingne;

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

I Pêtrusib 1:19

Kristusible aunganut erdlingnartomut, saugârsutut sinaungajuitotut ivjornaitotullo ilauᴋtub.

I Johannesib 3:12

Kaini malingnago! taimna ajortomit pigami, nukani toᴋopâ. Sunalo pivlugo toᴋolaukaûk? Piniarningit ajormatta, nukangatalo piniarningit idluarmatta.

Takotitaunermik 11:10

Nunamelo nunaᴋartut ᴋuviasûtigijomârpakit serrilutiglo, tunergutiniglo tujortigêgomârput kigligiutsijûk tâpkoa maggûk kappiasuktilaungmatikik nuname nunaᴋartut.

I Samuel 15:24

Tagva Saul Samuelemut okarpok: Idluitullilaukpunga, Nalekab perᴋojanga oᴋautsitillo tappagilaurapkit; innugatsuit illimagilaurapkit, nippingillo nalalaukpakka.

I Samuel 15:30

Tamnale oᴋarpok: Idluitullilaukpunga; opigilaungale mana innuᴋotima angajoᴋangita Israelitillo sângine; utterᴋattigilungalo, Nalegak Gudit tuksiarvigilugo piᴋovlunga.

I Samuel 19:5

Innôtsinelo ivlerilaungila, Filisterelo ullimarlaukpa, Nalekablo piulijaunermik angijoksoarmik Israelitit illunaita pinniarvigilaukpait. Tamanna takkolaukpat, kuviasutigidlalaukpallo. Sôgle auk passijaksaungitok idluitullivigijomaviuk, Davide pitjuteᴋarnak toᴋᴋotsomagangne?