Mattêuse 27:30 - Labrador Inuttitut Heritage Bible

³⁰ Ketserarpâllo, ajaupiarlo suvlulik tiguvât, tâpsomungalo niaᴋoa annaulerpât.

Mattêuse 27:30 Iomraidhean Croise

Jesaiase 49:7

Nâlegaᴋ, Israêlib piulijinga ivlernartitoᴋ oᴋarpoᴋ imâk tarnilît nachogijangannut, inuit maᴋojugijangannut, attaniâluit kivgangannut: Attanersuit takonâromârput nikkovilutiglo, attanerillo pâmakteromarput Nâlegaᴋ nertornartoᴋ pivlugo, ivlernartitoᴋ Israêlikkune pivlugo illingnik anerosuktoᴋ.

Jesaiase 50:6

Tunnuga manivara annaulerniktunut, ulluâkkalo umingnik nussuksijunut, kênara ijertorlungilara mittautautillunga ᴋetserartautillungalo.

Jesaiase 52:14

Unuktut (mãna) maᴋojugigalloarmatsuk, — tautua asserrorsimangmat, inuktut itsungnairtillugo, kênangalo itsungnairtillugo inûb ᴋitorngangita kênangititut —

Jesaiase 53:3

Nachogijaujôvoᴋ, inungnut ᴋemaktaumajoᴋ, angut ãnialik, ᴋanimainartoᴋ, nachonaluartoᴋ, illũnatik kênatik tâpsomangat allarmagit; tamanna pivlugo suksaunasugingilavut.

Jesaiase 53:7

Aniatitaudlaralloarlune ᴋenuersârpoᴋ, ᴋaninelo aitalungilâ sôrlo saugâraᴋ pititaujoᴋ toᴋotauvingminut sôrlolõnêt saugaᴋ niplingitoᴋ sallijiminut, ᴋaninelo aitarnago.

Migga 5:1

Mana katititaksatit katitikit, katititaksat paningat; tâpsoma ilumavâtigut; Israêlib idluarsaijunga issaᴋajomârpât ulloangagut issaᴋautemut.

Mattêuse 26:67

Tagva kênanga ᴋetserarpât, tigluklugolo. Ilangitale kênangagut tiglukpât,

Markuse 10:34

Taipkoalo mitautigilârpât, issaᴋavlugolo ᴋetserarlugolo toᴋolârpât, uvluglo pingajuangne makilârivoᴋ.

Markuse 14:65

Tagva illangita ᴋetseralerpât, kênangalo natuvlugo erᴋsârpât, oᴋautivlugo: Nalautalertigut. Kivgallo kênanga tiglukpât.

Markuse 15:19

Niaᴋoagullo anaudlarpât ajaupiamut suvlulingmut, ᴋetserarlugo, sêrᴋortorvigilugolo tuksiarvigivât.