Mattêuse 26:55 - Labrador Inuttitut Heritage Bible

⁵⁵ Stundeme tapsomane Jêsusib inugasaksuit oᴋautivait: Sorlo inuartomut anivose, saviksoalijarluse ajaupialijarluselo, tigujomavlunga. Uvlut tamaita iksivaᴋatigilauralloarpapse, ajoᴋertuivlungalo katimaviksoarme, tigulaungilapsingalo.

Mattêuse 26:55 Iomraidhean Croise

Mattêuse 21:23

Katimavingmullo itermat, ajoᴋertuitilugo, ajoᴋertuijoksuit inuillo angajoᴋângita tikipât oᴋautivlugolo: Kimut perᴋojauvêt taimailiorlutît? Kialônêt pitsartunermik mattominga tunitjivigivâtît?

Mattêuse 26:47

Sullelo taimâk oᴋartilugo ahâk, Jûdase 12 it ilangat tikilerpok, inugasaksuit illagivlugit, saviksoalijarlutik ajaupialijarlarmiglo, ajoᴋertuijoksoarnit inuillo angajoᴋânginit pijut.

Markuse 10:1

Tagvangat ama aularivoᴋ, Jûdêab erᴋânut pivlune, Jordanib akianut. Inuillo ama inugiartoᴋsôvlutik tikipât, iluserivaktamitullo ajoᴋertorivait.

Markuse 12:35

Jêsuselo katimaviksoarme ajoᴋertuivlune, kiovlugillo oᴋarpoᴋ: Sôᴋ aglangnik illisimajut Kristuse oᴋautigivatsûk, Dâvidib erneringmagô?

Lukase 19:47

Uvlullo tamaita katimaviksoarme ajoᴋertuivok. Ajoᴋertuijoksuille, aglangniglo ilisimajut, inuillo angajoᴋângit pinasuarput toᴋotsomavlugo.

Lukase 20:1

Uvlullo taipkoa ilangane, inuit katimaviksoarme ajoᴋertormagit, oᴋautsit tussarnertut oᴋâlatigivlugit, ajoᴋertuijoksuit aglangniglo illisimajut tikipât inuit angajoᴋângit ilagilugit.

Lukase 4:20

Aglaillo patiktinamigit, kivgamullo tunigamigit, ingipok. Katimavingmêtullo ilûnatik takunârpât.

Johannese 7:14

Uvloᴋsiorviotilugole Jêsuse majorarpok katimaviksoarmut, ajoᴋertuilunelo.

Johannese 7:28

Tagva Jêsuse katimaviksoarme nipperᴋortovlune ajoᴋertuilerpok oᴋarlunelo: Âhaila ilitarivapsinga, ᴋaujimavoselo nakit pingmangârma; uvamniglo tikisimangilanga, mikserᴋartotôvorle tilijiga ilitaringitase.

Johannese 8:2

ᴋaulermallo katimaviksoarmut ᴋailerivok, inuillo ilûnnatik tikipât, ingidlunelo ajoᴋertorpait.

Johannese 8:20

Oᴋautsit tamakkoa Jêsusib oᴋauserivait Gûdib iklervingata senianêdlune, ajoᴋertuigame katimaviksoarme; tigusijoᴋangilarlo tâpsominga; stûndinga tikisimangimat sulle.