Mattêuse 26:39 - Labrador Inuttitut Heritage Bible

³⁹ ᴋanitomullo aivok, pâmakterlunalo tuksiarpok, oᴋarlunalo: Atâtak, ajornangipat, ermgusiarsuk una pêrle uvamnit; pijomajaraungitorle, pijomajat pile.

Mattêuse 26:39 Iomraidhean Croise

Genesis 17:3

Tagva Abra pâmakterpok. Gûdiblo sulle oᴋarvigivâ oᴋarlune:

II Samuel 15:26

Oᴋarunele imâk: Kuviagingilagit; ahâk mânepunga. Tapsoma pinniarvigilinga namagijaminut.

I Kronika 21:16

Davidelo takkosarpok, takkovâlo Nalekab Engelinga nangertillugo ᴋilaub nunablo akkorngangne, saviksoarmiglo kenailitaᴋangitomik tigumiartillugo aggangmine, issautjitillugolo tapsominga Jerusalemut. Tagva Davide angajoᴋaunerôjullo pôngnut ulliksimavlutik pamakterput kênatik pûvlugit.

Jesaiase 50:5

Nâlekab Gûdib siutiga angmartipâ, uvangalo tappatolungilanga utternangalo.

Jesaiase 53:12

Tamanna pivlugo angijoᴋsoarnik illangiutititsomârpara, pitsartuneliksuillo aitûtigijomârpait aᴋsârnigaujutitut, imâk pivlugo: inôtsine tuningmago toᴋomut, idluitullijunullo adsiotitaungmat, unuktut ajorningit nangmaralloarlugit, idluitullijullo simerdlugit.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Numbers 14:5

Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Mattêuse 20:22

Jêsusible kiovâ oᴋarlunalo: Tuksiararijase nalovase. Ermgusiârsub (imanga) imigaksara imerungnarpitikô baptitauniksaralo baptitauniksarijungnaralloarpitikô? Kiovâk: Âhailâ, ajungikalloarpavuk.

Mattêuse 24:24

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Mattêuse 26:42

Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.

Markuse 13:22

Kristuseovlutik oᴋartut, nalautainerluktut saglojut sakᴋeromârput, nalunaikutaᴋsoarniglo tatamnartunik pilutik, annerimajut aglât tamartinasuarlugit, ajornangipatta.

Lukase 17:16

Itiganginullo pâmakterpok, ᴋujagilâllo. Tâmnalo Samâriamiovok.

Johannese 11:41

Tagva ujarak pêrpât toᴋungajub iluvinganit. Jêsusele ᴋongmut ârlorpok, oᴋarlunelo: Atâtak ᴋujagivagit tusalauramga.

Johannese 14:31

Silaksoarmiulle tukkisilerᴋovlugit, Atâta nagligigapko, taimaglo piniarama, sôrlo Atâtab perᴋolaungmanga: Nikovititse ovangallo aulartâ!

Johannese 18:11

Tagva Jêsusib Pêtruse oᴋautivâ: Saviksuit kênailitanganut pôleruk! Ermgusiarsûb, Atâtama tunijangata uvamnut, imanga imeraksaringilarâ?

Johannese 5:19

Tagva Jêsusib kiovait oᴋautivlugillo: Âhamarik, âhamarik oᴋaupapse: Ernek ingminik piniarungnangilak sumik, takojaminik Atâtamit kissênik; tâpsoma piniarutigijanga Ernerubtauk taimaluatsiak piniarutigivâ.

Johannese 5:30

Uvamnik sumik piniarungnangilanga. Tussartaptut erᴋartuivunga, erᴋartuineralo idluarpok; pijomajara piniarutiginginapko, Atâtable tilijima pijomajanga.

Johannese 6:38

ᴋilangmit tikinama, pijomajaraungitok piniaromavlugo, tâpsomale tilijima.

Apostelit Piniarningit 10:25

Pêtruselo iteriartormat, Kornêliusib pagrearpâ, pâmaklunelo itiganginut, tuksiarvigivâlo.

Filippimiunut 2:8

Ingminik miklilerdlune nâlainalauᴋtoᴋ toᴋomut, toᴋomut seningajolingme aglât.

Ebrêerinut 5:7

Tâmna uviningme inôtilugo tuksiarnermiglo ᴋenunermiglo tunerguserpoᴋ angijomik nipliadlarlune ᴋugviudlarlarmelo tâpsomunga piulijungnartiminut toᴋomit; tussâjaugivorlo, Gûde nâlekamiuk.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)