Mattêuse 26:13 - Labrador Inuttitut Heritage Bible

¹³ Âhamarik oᴋaupapse: Nane oᴋautsit tussarnertut ukkua oᴋautigijaukpatta silaksoarme ilûnâne, oᴋartoᴋarniarivok tâpsoma piniarninganik uvamnut, erᴋaumajaujutiksanganik.

Mattêuse 26:13 Iomraidhean Croise

Imgerut 112:6

Itsainaromârame issoᴋangitomut; idluartok puigortauniatsangilak.

Jesaiase 52:9

Iggiaᴋomijaritse nertordleᴋatigêkluselo, Jerusalemib serᴋomakungit illipse, Nâlekab inuᴋotine manigormagit, Jerusalemelo piulingmago.

Mattêuse 24:14

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Markuse 13:10

Sivorngagullo oᴋautsit tussarnertut oᴋautaujuksauvut inuᴋatigênut tamainut.

Markuse 14:9

Ahamarik Oᴋautivapse: Nane oᴋautsit tussarnertut ukkua oᴋautigijaukpatta silaᴋsoarme ilûnâne, oᴋartoᴋarniarivoᴋ tâpsoma piniarninganik uvamnut, erᴋaumajaujutiksanganik.

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Apostelit Piniarningit 10:4

Takosarpâle ᴋoaksârlarmelo oᴋarpok: Nâlegak, sunâ? Tâpsomale oᴋautivâ: Tuksiarnitit pikungardlutik Gûdib tusarpait, aitûtitillo isumagivait.

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

Rômiunut 15:19

Nalunaikutanut pitsartudlartunut tatamnartunullo, Gûdib Anerningata pitsartuninganut. Taimak, Jerusalemit aularlunga, erᴋânelo ilûnâne Illîriamut tikidlunga, Kristusib oᴋausingit tussarnertut oᴋâlatigilauᴋpakka tamainut;

II Korintemiunut 10:18

Nangminerminik nertortoᴋarune, nâmagijaujutigingilâ, Nâlekable nertorpago kissiane.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:6

Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

Ebrêerinut 6:10

Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.