Mattêuse 25:41 - Labrador Inuttitut Heritage Bible

⁴¹ Saumingmêtunullo oᴋarniarivok; Idluitoâlôjose, uvamnit aularitse, ikomamut ᴋamitsuitomut pijarêrsimajomut Sâtanasemut Engelinginullo.

Mattêuse 25:41 Iomraidhean Croise

Imgerut 119:115

Aularitse uvamnit kassêtose; Gûdima perᴋojangit nâlagomavakka.

Imgerut 119:21

Piojorijut suarpattit; ôminartôvut perᴋojarnik tappajut.

Imgerut 139:19

Kanoktôk Gûde Gûdeᴋangitut toᴋᴋolaukit, auruktullo ᴋemaijuksaulît uvamnik!

Imgerut 6:8

Allarsinga idluitullijose illunase! Nâlekab ᴋêanera tussarmago;

Jesaiase 66:24

Annijomârpullo takojartorlugit toᴋungajut uvamnut idluitullijut timingit; taipkoa ᴋuglugiangat toᴋoniatsangimat, ikkomangalo ᴋamminiatsangimat; uvinilingnullo illũnainut maᴋojugijaujomârput.

Jeremia 17:5

Imâk Nâlagaᴋ oᴋarpoᴋ: Inuk ôminarsivoᴋ sungertuteᴋartoᴋ inungnik, uviningmiglo ajakpaveᴋarasuartoᴋ, ômatimigullo allartoᴋ Nâlakamit.

Mattêuse 13:40

Sorlo inuit nusujôngungmagit perornerluktut, ikomamullo ikoalaklugit, taimaitsomârivok silab mattoma naggatiksangane.

Mattêuse 13:42

Kiaksaumullo ikomalingmut egitsomârpait; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 13:50

Egidlugillo kiaksaumut ikomalingmut; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 18:8

Aggakpîlle itikavîllo sinaungatikpatit, nakakit egidlugillo. Ilingnut ajunginersauvok, tussiaklutit, illakungorlutillônêt inôtsemut iteruvit, igluktut aggaᴋarnernit, itigaᴋarnerillônêt igluktut, ikomamullo ᴋamisuitomut egitaunernit.

Mattêuse 25:42

Kâktilunga nerritilaunginapsinga. Imeruktilunga imertilaunginapsinga.

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Mattêuse 5:22

Uvangale oᴋautivapse: ᴋatangutiminut nâmaksingitok (pitjuteᴋarane) idluarsaivingmut pijaksautipok ingminik; ᴋatangutiminulle oᴋartok: Koinangnadlâluᴋên? kiglisiniarᴋatigêngnut pijaksautipok ingminik; oᴋartorle: Ominauteâluᴋotse, ingminik pijaksautipok ᴋôrᴋub piunginelukoviub ikomanganut.

Mattêuse 7:23

Tâva akkijomârpakka: Sulle ilitarilaungimarikpapse; tamapse ᴋemaksinga, idluitulijose!

Lukase 13:27

Kiojomârporlo; Oᴋaupapse, ilitaringilapse, nakit pingmangâpse; tamapse ᴋemaksinga, idluitulijose!

Lukase 16:24

ᴋaigarsulerpok oᴋarlune: Atâtak Abraha, nâpkiginga, Lazaruselo tiliuk, tikime nuvua imermut misuᴋârlugo, oᴋara nigliterliuk; mattomunga ikomaksoarmut âniadlarama.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

II Tessalônikamiunut 1:7

Ilipsele kappiasuktitaujose, merngoêrserviksaᴋaromârpose illagiluta, Nâlegaᴋ Jêsuse saᴋᴋijârtitauniarpat ᴋilangmit, Engeline pitsartujoᴋsuit illagilugit,

II Tessalônikamiunut 1:9

Taipkoa pidlartaujomârput asserornartoᴋsoarmut issoᴋangitomut, Nâlekab kênanganit pitsartuninganillo ânanaujoᴋsoarmit pijomut;

Ebrêerinut 6:8

Nunale ukpiganik kakilautilingnik perornerluktuniglo kakilarnartunik perortoᴋarune, piutsangilaᴋ ôminarnerartaunermut ᴋanipoᴋ, ikoâlajuksaujomârtoᴋ naggatiksame.

II Pêtrusib 2:4

Engelit idluitulilauᴋtut Gûdib pidlartaulilaunginamigit, tâᴋtoᴋsûble ᴋelaumgujanginêdlutik Sâtanaseᴋarvingmut ajaktordlugit pitilauramigit, ᴋimergutauᴋovlugit erᴋartuiviksamut;

I Johannesib 3:10

Tamattomangat nalonarungnairpoᴋ, Gûdib ᴋitorngangit, Sâtanasiblo ᴋitorngangit nalîngongmangâta: idluartomik pingitoᴋ Gûdemit pingilaᴋ, ᴋatangutiminiglo naglingitoᴋ.