Mattêuse 25:36 - Labrador Inuttitut Heritage Bible

³⁶ Annorairsimatilunga annorârtilaurapsinga. Kanimatilunga takojartulaurapsinga. Parngnanairsimavingmêtilunga pullâlaurapsinga.

Mattêuse 25:36 Iomraidhean Croise

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Hesekiel 18:16

Kinamik idluituliviᴋalaungikune, satoraksamik tigusingikune aksorornermut arᴋtaingikune, kâktullo tunitjivigigunigit nerᴋiksaminik, ussingajorlo ulikuniuk annorâmut,

Hesekiel 18:7

Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;

Hesekiel 34:4

Sangêtut nakoᴋsitingilase, ᴋanimajullo inûlilungilase, aᴋᴋunaᴋsimajullo mangipsertulungilase, ᴋêmâtisimajullo utertilungilase, tamartullo ᴋenilungilase, aksorornermullo takopsoajuinermullo aulapase.

Mattêuse 25:37

Tagva idluartut kioniarpât oᴋarlutiglo; Nâlegak, ᴋanga kâktilutit takolaukpitigît, nerritilaukpitigîllo? Imeruktilutillônêt, imertilaukpitigîllo?

Mattêuse 25:43

Tujormitilunga iterᴋolaunginapsinga. Annorairsimatilunga annorârtilaunginapsinga. ᴋanimatilungalo parngnanairsimavingmêtilunga pullâlaunginapsinga.

Lukase 3:11

Kiovait oᴋautivlugit: Maggûngnik annorâlik tunijilerle peᴋangitomut, nerᴋiksaliktauk taimailiormile.

Apostelit Piniarningit 20:35

Nangminek ᴋaujitilaukpapse tamainik, taimâk sanajuksaugapta, sangêtut ikajorlugit, Nâlekablo Jêsusib oᴋausingit erᴋarlugit, oᴋarmat: Tunijinek piloringnarnersauvok pilitaunermit.

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.

Ebrêerinut 13:3

Kelaksorsimajut issumaginiarsigik, ᴋelaksorsimaᴋataujutitut; siorniortullo, ilipse nangmineᴋ sulle timeme inôgapsetauᴋ.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.