Mattêuse 25:21 - Labrador Inuttitut Heritage Bible

²¹ Tagva ataningata oᴋautivâ; Nâmagivagit, issumagiktotit nertornartotillo kivgak, ikitunik nertornardlutit atulauravit; pimajingortitsomavagit unuktunik: Nâlekavît ᴋuvianarninganut iterit!

Mattêuse 25:21 Iomraidhean Croise

Salomob Okâl 14:35

Atanniub kivgak silatôjok ᴋuviagivakivgarle uivêtok ningariva.

Salomob Okâl 28:20

Angut nertornartok pitsartutitaukattarpok; tuavidlartorle akluitsomavlune, passijaksaungitotsainarniangilak.

Mattêuse 24:45

Nelialle nertornartôvlune silatovlunalo kivgauvâ, kivgaᴋotinginut angajoᴋautitaumajok atanerminut, nerᴋiksanginik tunijerᴋovlugo tâpkonunga, naliutijarangât?

Mattêuse 24:47

Âhamarik, oᴋaupapse: Pimajingortiniarpâ perᴋutiminik tamainik.

Mattêuse 25:23

Ataningata oᴋautivâ; Nâmagivagit, issumagiktotit nertornartotillo kivgak, ikitunik nertornardlutit atulauravit; pimajingortitsomavagit unuktunik: Nâlekavît ᴋuvianarninganut iterit!

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Lukase 12:44

Âhamarik oᴋautivapse: Perᴋutiminik tamainik pimaklertungortitsomârpâ.

Lukase 16:10

Mikijomik nelâgôrtok, nelâgôrivok angijomik, mikijomiglo piniarnerluktok, angijomiktauk piniarnerlukᴋivok.

Johannese 12:26

Kivgartoromajûb uvamnik, maliklinga; najukamnelo kivgara tagvanêtsomarivok. Atâtamalo uvamnik kivgartorniartok nertoromârpâ.

Johannese 14:3

Ainiarumalônêt iniksalioriartorluse, uteromagivunga, ailuselo uvamnut, tagvanêrᴋovluse najugamne.

Johannese 17:24

Atâtak pijomavunga, najugamne tâpkoatauk uvamnêᴋovlugit, tunilauktatit uvamnut, ânanaunimnik tunilauktarnik uvamnut takoᴋovlugit; nagligilauramga silaksoak tunganilijauᴋârtinago.

Rômiunut 2:29

Ilumigulle pijoᴋ, Jûdiovoᴋ; ômatiblo kipimaninga kipimaniovoᴋ anernikut pijoᴋ, aglatuinartigut pinane; tâpsoma nertornautâ inungnit pingilaᴋ Gûdemille.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

II Korintemiunut 10:18

Nangminerminik nertortoᴋarune, nâmagijaujutigingilâ, Nâlekable nertorpago kissiane.

II Korintemiunut 5:9

Taimaimat najoruptigolônêt avisimaguptigolônêt, ilinganasuarpogut tâpsomunga ᴋuviagijaujomavluta.

Filippimiunut 1:23

Tamarmik ilungertûtigigapkik: kajungilârpunga avilunga tamângat, Kristuselo najoromavlugo; tamanna ila angijomik ajunginersaungmat;

I Timôteusemut 3:13

Idluartomigle kivgartortut, tâpkoa nangminermingnut nertornautiksarsivut nâmaktomik, nakoksitiksarsilarmiglo angijomik okpernermingne Kristûse Jêsusemut.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.

Takotitaunermik 3:21

Sâlaᴋartok iksivaᴋojomavara illagilunga iksivautamne; sorlotauk uvanga sâlaᴋalaurama, Atâtagalo iksivaᴋatigigapko iksivautangane.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.