Mattêuse 24:8 - Labrador Inuttitut Heritage Bible

⁸ Taimadja kappianartub pigiarninga.

Mattêuse 24:8 Iomraidhean Croise

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 9:12

Siriamiut Israêle êjomarpât sângannit Filisterillo tunnuannit, ᴋanitik aitarlugit. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Jesaiase 9:21

Manassib Efraime Efraimiblo Manasse. Tamarmiglo illagêklutik Jûdamut sâput. Tamakkoale tamaita Nâlekab ningausingata sorairutigingilait aggangillo issamivut sulle.

Hosea 13:13

Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.

Markuse 13:8

Inuᴋatigât inuᴋatigênut assimingnut sorᴋsugomârput, ataniovingmiullo ataniovingmiunut assimingnut. Nunat sunatuinarne sajukpilugomârput, kângnartorsoarmiglo erᴋsinartomiglo pijoᴋaromârpoᴋ. Tamadja kappianartub pigiarninga.

Lukase 21:12

Tamakkoale tamaita perᴋârtinagitk tiguluse unangmijomârpâse, ilinniarvingmingnullo parngnanairsimavingmingnullo pititsomârpâse, ataniojunullo angajoksoarnullo âtsomârpâse, atera pivlugo.

Deuteronomy 28:59

Tagva Nâlekab pagvigijatit, kingukâkpîllo pagvigijangit tatamnadlartitsomârpait, pagvinartut angijut sivitojullo, ᴋanimaserillo oᴋumaitut sivitojullo.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.

Jâkobusib 5:1

Tagva ilipse akluitose, ᴋeavluselo avâladlaritse kappianartut naliutsomârmatta ilipsingnut.