Mattêuse 24:7 - Labrador Inuttitut Heritage Bible

⁷ Inuᴋatigêt inuᴋatigênut assimingnut sorᴋsugomârmatta, ataniovingmiullo, ataniovingmiunut assimingnut; kângnartoksoarmiglo ᴋanimaluâlungnartomiglo pijoᴋaromârpok, nunallo sunatuinarme sajukpilugomârput.

Mattêuse 24:7 Iomraidhean Croise

II Kronika 15:6

Innuᴋattigêksuit attautsit innuᴋattigêksuit assingit serᴋomigomârmagit, iglugasaksuillo attautsit iglugasaksuit assingit; Gudib ᴋoaᴋsartitsomârmagit kappianartunut tamainut.

Jesaiase 19:2

Egiptenemiullo sakkolitsomârpakka Egiptenemiôᴋatinginut, sorsugomârpullo nalliat ᴋattangutiminut nalliallo illannârijaminut, iglugasaksuit iglugasaksoarnut, attaniovik attaniovingmut.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 21:27

Mumiklugo, mumiklugo, mumidlaromavara: tamanna taimailingajungnailârivoᴋ, tâpsominga peᴋartuksaᴋ tikerᴋârtinago, tâpsomungalo tunijomârpara.

Saggaria 14:13

Pijomârporlo uvlorme tâpsomane pikablâdlartoᴋaromârmat Nâlekamit tâpkoa akorngane; ilûnatik atunit inôᴋatime aggangit tigumitoromârpait; aggangmingnullo sillugêgomârput.

Lukase 21:11

Nunallo sunatuinarne angijomik sajukpilugomârput, Kângnartoksoaᴋarlarmelo nusilingnartoᴋaromârpok; erᴋsinartuniglo nalunaikutaksoarnik sakᴋertoᴋaromârpok ᴋilangmit.

Apostelit Piniarningit 11:28

Tâpkoa ilangat, Agabusemik atilik, nikovipok, nunane ilûnaine kângnartoksoaᴋaromârtomik Anernikut nalautaivlune; tamannalo nalautsivok atanivik Klaudiuse ataniotilugo.

Apostelit Piniarningit 2:19

Tatamnartulijomavungalo pikane ᴋilangme, nalunaikutaᴋartitsilungalo atâne nuname, aungmik ikomamiglo iserlûblo pujuanik;

Ebrêerinut 12:27

Imâgle oᴋarame: “ama atausiardlunga”, saᴋᴋertitsivoᴋ aulajungnartut ablatsaujomârmatta senamajutitut, aulajuitut itsainarᴋovlugit.

Takotitaunermik 6:12

Takogivunga, naᴋitjutit 6 ingat (Saugârsûb) angmarmago, ahâglo, nuna sajukpilâdlarpok, seᴋinerlo tâᴋtoksôlerpok pôksajatut merᴋunit senamajotut, taᴋᴋerlo auktun-ipok.

Takotitaunermik 6:5

Naᴋitjutillo pingajuat (Saugârsûb) angmarmago, ômajut pingajuat tussartara oᴋartok: takojartorit. Takogivunga, ahâglo, horsemik ᴋernertamik; tâpsomalo ᴋângane iksivajok kiktitautîngnik tigumiartok.

Takotitaunermik 6:6

Nippemiglo tussarpunga ômajut taipkoa sitamat akornganit oᴋartomik: sanaugaksat, ôktût atausiardlugo, kênaujârsungmik atautsemik akkeᴋarlit, sanaugâluksallo, ôktût pingasuertorlugo, kênaujârsungmik atautsemik akᴋeᴋarlît, orᴋsorle vainelo asserorniarnagik!

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.