Mattêuse 24:31 - Labrador Inuttitut Heritage Bible

³¹ Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Mattêuse 24:31 Iomraidhean Croise

Imgerut 22:27

Erᴋaijomârput, sâleromârlutiglo Nâlekamut sillaksub issunginêtut, sângnelo tuksiaromârput nallojut kinguvârêngit illunatik.

Imgerut 67:7

Gûdib saimartilittigut, nunablo issungita illunatik sivôragijaksarivât.

Imgerut 81:3

Takkêlame tiptulausijaritse: taᴋᴋiub angmaloriksiningane, uvloksiorvipta uvlungane.

Exodus 19:16

Sunaubvalo, uvlut pingajuane uvlâkut kalluit ᴋaumalaillo, nuvujarlo isortak ᴋakᴋamêpok, tiptulautiblo nipinga niperᴋortudlartok; inuillo ilûnnatik tangmârvingmêtut sajudlarput.

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 13:5

Nunanit ungasiktunit, ᴋilaub issuanit tikkilerput Nâlegaᴋ ningaumajârningatalo sakkungit, nunaᴋsoaᴋ illũnât asseroriartorlugo.

Jesaiase 27:13

Taipsomane tiptulaut angijoᴋ attortaujomârpoᴋ, tagva assiomajut Assurib nunanganẽtut tikkitsomârput ajaktortaumajullo Egiptenib nunanganẽtut, Nâlegarlo tuksiarvigijartoromârpât ᴋaᴋᴋame ivsornaitome Jerusaleme.

Jesaiase 42:10

Imgerumik nutâmik imgeritse Nâlekamut; opigisiuk nunaᴋsûb kiglinginit, illipse imarbiksiortose imaᴋsûb illuanẽtullo, ᴋikkertat nunaᴋartullo tâpkonane.

Jesaiase 43:6

Apsomunga oᴋarpunga: Kaikit! aksomungalo: Agviarniarnak! Ernikka tamaungartilersigik ungasiktomit panikkalo sillaᴋsûb issuanit,

Jesaiase 45:22

Sâgialeritse uvamnut, piulijaujomârpose tagva, sillaᴋsoarmiôjose tamapse; uvanga Gûdeogama, assimniglo Gûdeᴋangimat.

Jesaiase 49:18

Ijîkik uitarlugik avatingnẽtunik takonârit; tâpkoa kattimajut illũnatik nallipsarpâtit. Sôrlo nallâgut inôgama, oᴋarpoᴋ Nâlegaᴋ, tâpkoa tamaita attijomârpattit ânanausijutiksatut sôrlo, tapserutigivlugillo nulliaksatut sôrlo.

Jesaiase 60:4

Ijîkik uitarlugik avatingnẽtunik takonârit; tâpkoa illũnatik kattimgavlutik tikkipâtit, ernitit ungasiktomit aggerput, panitillo erᴋsuktauvut.

Daniel 7:2

Danielilo niplipoᴋ oᴋarlunilo: Unnuarmi takotitjutipkut takovunga, ahâglo, ᴋilaub anoringit sitamat imarbiksoarmut tikiput.

Saggaria 14:5

ᴋemâjomârposelo ᴋaᴋaksoama naksangagut; ᴋaᴋaᴋsûb naksanga Azelemut kigleᴋaromârmat; ilâ, ᴋemâjomârpose sorlo ᴋemâlaurapse nunab sajukpiludlarninganit Usiab Jûdab ataningata uvlungine; Nâlegarlo Gudît tikitsomârpok, ivsornaitullo tamaita ilagijomârpatit.

Saggaria 2:6

Atê, atê, ᴋemâgitse nunamit avanêtomit, oᴋarpok Nâlegak, siamartigapse sorlo ᴋilaub anoringit sitamat, oᴋarpok Nâlegak.

Saggaria 6:5

Engeliblo akivânga oᴋarlunelo: Makoa tagva ᴋilaub anoringit sitamat, noᴋangaᴋârlutik nunaksûb ilûnane Nâlegangata sângane anilertut.

Saggaria 9:10

ᴋamutillo unatautit pêjaromârpakka Efraimit, horsillo Jerusalemit, pitikselo sorᴋsût pêrtaujuksauvok; inôᴋatigêksuillo ulapirksaumik oᴋarvigilârpait; nâlegauvingalo imarbingmit imarbiub aipânut pijomârpok, kôksoarmillo nunaksûb isua tikidlugo.

Saggaria 9:14

Nâlegarlo sakᴋijâromârpok tâpkoa ᴋolâtigut, ᴋargjungalo anijomârpok ᴋaumalaktut: Nâlegarlo Nâlegaujok tiptulausijaromârpok, ingeraromârporlo uarngniluakut.

Mattêuse 13:41

Inûb Erningata Engeline tilijomârpait; taipkoalo sinaungajut tamaita idluitulijullo katitsomârpait.

Mattêuse 24:22

Uvlullo taipkoa ikitlijauniangipatta, inuk atauserlônêt piulijaunajangilak; anerimajulle pivlugit uvlut taipkoa ikitlijaujomârput.

Mattêuse 24:24

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Mattêuse 24:32

Adsiujomik ilinniaritse napârtok paungatannaᴋarpaktoᴋ pivlugo. Akkerungit ipteᴋalerangata siggilerangatalo, ᴋaujimavose aujajaraklilermat.

Mattêuse 25:31

Inûble Erninga ânanaunermine tikikune, Engelit ajungitut tamaita illagilugit, iksivajomârpok iksivautamine ânanaunersoalingme.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Markuse 13:27

Engelinelo tilijomârpait, katitilugillo anerijane anorenit sitamanit, nunab issuanit ᴋilaub issuanut.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Johannese 11:52

Inûᴋatigêllo kisêtaungitok; Gûdible ᴋitornganginik siamangajunik katersoerᴋovlugo.

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

I Korintemiunut 15:52

Tagvainak ijib sikkungilarningane tiptulautib kingorliksab naliuningane. Tiptulaut nipleromârmat; toᴋungajullo makitsomârput asserojuilutik, uvagullo ablatsângortitaujomârpogut.

Efêsusemiunut 1:10

Naliutikpatta uvlut oᴋautigijauᴋovlugo, tamaita ᴋilangmêtullo nunamêtullo atautsemut niaᴋomut katititsomavlugit Kristuseme, tâpsomuna nangmineᴋ;

Deuteronomy 30:4

Apsimajigijavît ilangit ᴋilaub kiglinganêgaloarpatta ungardlerpâme, tagvangat Nâlekab Gûdivît ᴋaiᴋolârpâtit, tagvangallo ailârpâtit;

Deuteronomy 4:32

Aperᴋutigikit uvlut ᴋângersimajut, sivunernêtut, uvlormit Gûdib pingortitsivigilauᴋtanganit inungnik nuname, kilaublo issuanit issuata aipânut, mattotunak angitigijoᴋalaungmangât, mattotunarlônêt tusaumajaujoᴋarmangât.

I Tessalônikamiunut 4:16

Nangmineᴋ Nâlegaᴋ ᴋilangmit aᴋᴋaromârmat nippersoarmut kajungersarnartomut, Engelit ataningata nippinganut, Gûdiblo tiptulautinganut, Kristûsemelo toᴋungajut makerᴋâromârput.

II Tessalônikamiunut 2:1

Kenuvigivapsele, ᴋatangutivut, Nâlegapta Jêsusib Kristusib tikitsomârninga, katijomârnivullo tâpsomunga pivlugik,

Ebrêerinut 12:19

Tiptulautib nippinganullônêt, oᴋautsit nippinginullônêt; taipkoninga tussalauᴋtut tussaromalaungilait oᴋautsemik oᴋautjaujomanginamik.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.

Takotitaunermik 8:2

Engeliniglo 7 nik takovunga, tâpkoa Gûdib sânganut pivut, tiptulautiniglo 7 nik tunitsiviolerput.