Mattêuse 24:29 - Labrador Inuttitut Heritage Bible

²⁹ Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Mattêuse 24:29 Iomraidhean Croise

Okaluktok 12:2

Sekᴋinek ᴋaumajorlo, takᴋerlo uvloritjallo Tâksilerᴋârtinagit, nuvujallo tikkimerᴋârtinagit Sillalungnerûb kingorngane;

Jesaiase 13:10

Kilaub uvloriangit siaktungillo ᴋaumanarungnairput, seᴋᴋinerlo târlune nuilerpoᴋ, taᴋᴋerlo ᴋaumangilaᴋ.

Jesaiase 24:23

Taᴋᴋerlo kangusugomârpoᴋ, seᴋinerlo ᴋattagomârpoᴋ, ᴋilangmiugasaksuit Nâlegangat attanersoangongmat Zionib ᴋaᴋᴋangane Jerusalemelo, angajoᴋângortitangitalo ânanaunersoangat takkuksaulermat.

Jesaiase 34:4

Kilaub pitangit illunamasiatik auniojomârput, ᴋilaillo immujaujomârput aglaktitut, pitangillo illunamasiatik ᴋunnorleromârput, sôrlo napârtub vaineliksab millukatangit ᴋunnorlerpangmatta, millukataktullo pannertotut napârtome faigeliksame.

Joel 2:10

Nuna sajukpilukpoᴋ sângine; ᴋilait sajukput; seᴋineᴋ taᴋᴋerlo tâᴋsipuk, uvloriallo ᴋaumanitik saᴋᴋijârtailitipait;

Joel 3:15

Seᴋineᴋ taᴋᴋerlo tâᴋsilerpuk, uvloritjallo ᴋaumanitik saᴋᴋijârtailititsomârpât.

Amos 5:20

Nâlekab uvlunga tâktuksaungilâk, ᴋaumaluganelô? Ilâ, tâktoᴋsôvlune akkisuteᴋaranelô?

Amos 8:9

Imaitsomârporlo uvlorme tâpsomane, oᴋarpok Nâlegak Nâlegaujok; Seᴋinek nipitilârpara uvlub ᴋeterarningane, nunalo tâksilârpok uvlub ᴋerᴋane.

Mattêuse 24:21

Uvlunele taipkonane kappiasugviksaᴋaromârpok nelleᴋangitomik, silaksûb pigiarninganit tamanna tikidlugo taimaitoᴋalaungilak, kingornganalo taimaitoᴋarnianginivok.

Mattêuse 24:8

Taimadja kappianartub pigiarninga.

II Pêtrusib 3:10

Nâlekable uvluksanga neliutsomârpoᴋ sorlo tigliktotut unnuaᴋsiortotut; taipsomane ᴋilait nungujomârput serᴋorpaludlarlutik, pingortitalle ônartovaksoarmut aumajomârput, nunalo perᴋutingillo ikoâlanermut nungutaujomârput.

Takotitaunermik 8:12

Engelillo sitamangat tiptulausijarivok. Seᴋinek tagva pingasuililugo pingajuat, takᴋerlo pingasuililugo pingajuat, uvloritjallo pingasuililugit pingajuingit tâᴋtoksôlerput, uvlub ᴋaumaninga pingasuililugo pingajuat pêrlugo, unnuarlo taimainivok.