Mattêuse 23:26 - Labrador Inuttitut Heritage Bible

²⁶ Farisêere tautungitotit, ermgusiarsûblo pôgutablo ilûgik salumarsarᴋâᴋik silatîgik ᴋeblaridlarᴋovlugik.

Mattêuse 23:26 Iomraidhean Croise

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jeremia 13:27

Takolaurama maᴋojungnartulinernik, assiniarnerniglo, narriomasijarnerniglo, ajortulinivîllo iloᴋeudlarninginik ᴋaᴋᴋârulangne perorsêvingne. Kapianarmêk igvit Jerusalem! Ivsornaititaujomangilatit. Kanoᴋ akunertigijomik taimailingalârᴋêt?

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Mattêuse 12:33

Napârtomik ajungitomik ilijigupse, ajungitunik paungaᴋarniarpok; napârtomigle piungitomik ilijigupse, piungitunik paungaᴋarniarpok. Paunganginit napârtok ilitarijauvok.

Mattêuse 14:8

Anânaminulle ajoᴋertortaulaukârdlune oᴋarpok: ᴋaitsilerit uvamnut Johannesib baptiterijub niaᴋoanik, pôgutamut ilimajomik.

Markuse 7:4

Niuvervingmillo tikitarangamik, nerringilat ubvarᴋâratik. Assingillo unuktut taimaitut iluserivait, ermgutsillo, imertautillo, machaillo, pôgutallo sâllo ubvarpaklugit.

Lukase 11:39

Nâlekable oᴋautivâ: Ilipse Farisêerit, ermgusiarsuit pôgutallo silatingitigut sujungaitikalloarpase, ilusele tattadlarput kassênermik arᴋtaisungunermiglo.

Lukase 6:45

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitoᴋ piungitunik sakᴋertitsivok ômatime tattatjutinginit piungitunit. Omatib tattatjutinginik ᴋanek oᴋajôngovok.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Ebrêerinut 10:22

Aivigilavut tagva, ômamut mikselingmut, okpermarikluta, serparsartauvluta ômatiptigut, ᴋelarudjârtauvlutalo issumamit passijaksaujomit, ubvarsimavlutalo timiptigut imermut ivjornaitomut;

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.