Mattêuse 23:23 - Labrador Inuttitut Heritage Bible

²³ Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Mattêuse 23:23 Iomraidhean Croise

Salomob Okâl 21:3

Nâmanermik idluarnermiglo attorlune Nâlekab nâmaginersariva tunnergutinnit.

Jesaiase 28:25

Imaingilaᴋ? Kânga maniksalerêruniuk karngasoivoᴋ tillenik kimeleniglo siamangatitsivlune, illijivlunelo vaitsenik ingmigut gêstaniglo inniksangannut sapeltaniglo (perorsêviub) sinninginut.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Hosea 6:6

Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.

Leviticus 27:30

Nunablo sakᴋertangita tallimaujungit ilûnatik, perutsiangongmangât napârtûblônêt paungangit, Nâlekab perᴋutigivait; ivsornaiput Nâlekamut.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Mattêuse 12:7

Tamannale ᴋaujimagupsiuk sunaumangât: nâpkiningnek ᴋuvigivara, tunergutit pinagit, passijaksaungitut passidlarajalaungilase.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.

Mattêuse 9:13

Tamattomale tukkinga ilinniariartorsiuk: Nâpkiningneᴋ ᴋuviagivara, tunergutille pinagit. Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Lukase 18:12

Vogeme maggoertorlunga nerritailivakpunga, perᴋutimalo ilûnatik tallimaujoanik tunijivunga.

I Samuel 15:22

Samuelele oᴋarpok: Issumavit Nalekab tunnergutiksat, tunergutiksallo ôtaksat ᴋuviaginersaringmagit nalangnermit Nalekab nippinganik? Ahâk nalengnek namanersauvok tunnergutiksamit, kammatsiarnerlo namanersauvok saukat angutingita orsuanit.