Mattêuse 23:12 - Labrador Inuttitut Heritage Bible

¹² Ingminik angijorortitok, miklilertitauniarmat; ingminiglo miklilertitok, angijorortitauniarpok.

Mattêuse 23:12 Iomraidhean Croise

Hiobe 22:29

Tâpsoma nikkanarsârtut ingminik angijorortimmagit; ijîngminik ᴋattalungajok pijungnainiarpok.

Imgerut 138:6

Nâlegak ᴋotsingmat, takkonârlunelo erᴋanangitunnik, piojorijorlo illitarivâ ᴋanningitomit.

Salomob Okâl 15:33

Sivôranek Gûdemik Nâlektitauniôvok ilisimanermut, Nertornautiksarsijoᴋaᴋârtinagolo, Miklijorortitaujariaᴋaᴋârpok.

Salomob Okâl 29:23

Inuk pingijainerminut kattaktitauniarpok; piojorijuitorle opigijauniarpok.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Mattêuse 18:4

Ingminik tagva nutakᴋatut ôtunak miklilertok, anginerovok nâlegauvingme ᴋilangmêtome.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Lukase 14:11

Ingminik angijorortitok miklilertitaksauvok; ingminiglo miklilertitok angijorortitaksauvok.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

Jâkobusib 4:6

Anginersamigle saimarsaumik tunijidlarpok. Taimaimat aglait oᴋarput: Piojorijut Gûdib akkerartorpait, piojorijuitullo saimauserpait.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.

I Pêtrusib 5:6

Tamanna pivlugo ilipsingnik nikanarsâritse Gûdib agganginut pitsartujoᴋsoarnut, neliunermine ilipsingnik nertornartitserᴋovlugo.