Mattêuse 22:13 - Labrador Inuttitut Heritage Bible

¹³ Tagva atanersûb kivane oᴋautivait: Aggangillo itigangillo ᴋelaᴋsorsigik, egidlugolo tâᴋtoksoarmut ungardlerpâmut, tagvane, ᴋeavaksoadlarneᴋaromârpok aglerulârneᴋaromârlunalo;

Mattêuse 22:13 Iomraidhean Croise

Imgerut 112:10

Gûdeᴋangitub tamanna takkojomârpâ kangârutigijomârpâlo; kiggutine kêtitsomârpait nungujomârlunelo. Gûdeᴋangitut tussuninget assiômangmat.

Imgerut 37:12

Gûdeᴋangitub idluartok issumaksarsiorutigiva akkerartoromavlugo, nierᴋolârutigivâ kigutiminut.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Daniel 3:20

Angutillo ilangit sangijôdlartut sorᴋsuktuksarsoaᴋotiminêtut piᴋovait ᴋilaksuiᴋovlugit Sâdrakimik, Mîsakimiglo, Abednigomiglo, igilugillo kiaksauteâlungmut ikomaliksoarmut.

Mattêuse 12:29

ᴋanorlônêt sangijoksûb iglinganut inuk iterajarᴋâ, perᴋutinginiglo aᴋsârdlugo; sangijoksoak ᴋelaksorᴋâruniuk kissiane, kingorngagut tâva iglungata perᴋutitangit aᴋsârnigarilugît?

Mattêuse 13:30

Tammarmik perorᴋatigêkilit, katersivik naliuterᴋârtinago: katersivigle naliutilerpat, kibluijut oᴋautigomavakka: Perornerluktokulluit katerᴋârsigik, ᴋepidlugillo ikoalaklugit; perornitsiariktulle katersorsigik ᴋematulivimnut.

Mattêuse 13:42

Kiaksaumullo ikomalingmut egitsomârpait; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 13:50

Egidlugillo kiaksaumut ikomalingmut; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 24:51

Asserortiniarpâ tagva, akkiviginialâllo takkormôrtut illagivlugit. Tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 25:30

Kivgarlo piungitok egisiuk tâᴋtoᴋsoarmut ungardlerpâmut: tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 8:12

Nâlegauvingme ᴋitorngaujulle ajaktortaujomârput tâktokso armut ungardlerpâmut, tagvane ᴋeavaksoadlarneᴋaromârpok aglerulârneᴋaromârlunalo.

Lukase 13:28

Tagvane ᴋeavaksoadlarneᴋaromârpok aglerulârneᴋarlunelo; Abrahalo, Isaarlo, Jâkolo, nalautaijullo tamaita Gûdib nâlegauvingane takojomârapsigik, ilipsele silatânut pingujartaumajose.

Johannese 21:18

Âhamarik, âhamarik oᴋaupagit: Inôsungnersautilutit, nangminernik tapserusilaukpotit, arvertarlutillo pijomajarnut; itôleruville, aggaktit isagomârpatit, asivîllo tapseruseromârpâtit, tesiorlutillo pijomangitarnut.

Apostelit Piniarningit 21:11

Tikinamitigullo Paulusib tapserutâ, tiguvâ agganelo itiganelo ᴋelaksorlugit oᴋarpok: Anernek ajunginek tamattominga oᴋarpok: Jûdit mattoma tapserutib inua taimak ᴋelaksoromârpât Jerusaleme pitiniarlugolo nalojut agganginut.

Apostelit Piniarningit 7:54

Tamanna tusaramitsuk, ômateroktauvut, nêrᴋolârtsivlutiglo tâpsomunga.

II Tessalônikamiunut 1:9

Taipkoa pidlartaujomârput asserornartoᴋsoarmut issoᴋangitomut, Nâlekab kênanganit pitsartuninganillo ânanaujoᴋsoarmit pijomut;

II Pêtrusib 2:17

Taipkoa puilavît imeᴋangitut, nuvujat ullajûjâmut aulataujut, taipkonunga kappianartomik tâᴋtoᴋsoarmik ᴋumergutaumajoᴋarpoᴋ issoᴋangitomut.

II Pêtrusib 2:4

Engelit idluitulilauᴋtut Gûdib pidlartaulilaunginamigit, tâᴋtoᴋsûble ᴋelaumgujanginêdlutik Sâtanaseᴋarvingmut ajaktordlugit pitilauramigit, ᴋimergutauᴋovlugit erᴋartuiviksamut;

Jûdasib 1:13

Imarbiub malliksoangititut idlutik ᴋappoalijokut anitsijutitut kangusûtigijaksamingnik; uvloritjat maungatuinaᴋ pijut, taipkonunga tâᴋtoᴋsoaᴋ ᴋaumaneᴋangimariktoᴋ ᴋumergutauvoᴋ issoᴋangitomut.

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.