Mattêuse 22:11 - Labrador Inuttitut Heritage Bible

¹¹ Atanersûblo ᴋaiᴋojaujut takojartoramigit, inuk takovâ tagvane annorârsimangitok nerrimârᴋataujuksatut.

Mattêuse 22:11 Iomraidhean Croise

II Atannit 10:22

Oᴋarporlo pimaklertunut iglomik annorâktalingmik: Baalib kivgangit ilunnaita annitsivigisigik annorângnik. Annorângniglo ᴋaitsivut tapᴋonunga.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 64:6

Illûnamatsiata ivsornaitutitut-ipogut, idluarnivullo tamât annorâtut-ipoᴋ salumaitotut; millukataᴋtitut ᴋunorlerpogut illũnata, idluitulliniptingnullo tiktauvogut sôrlo aᴋᴋonamut.

Jeremiab Ogguarutigijangit 5:22

Ajaktormarikpaptigulle, angijomik ningarvigivaptigullo.

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.

Mattêuse 13:30

Tammarmik perorᴋatigêkilit, katersivik naliuterᴋârtinago: katersivigle naliutilerpat, kibluijut oᴋautigomavakka: Perornerluktokulluit katerᴋârsigik, ᴋepidlugillo ikoalaklugit; perornitsiariktulle katersorsigik ᴋematulivimnut.

Mattêuse 22:10

Kivgallo taipkoa apᴋosiniâlungnut aivut, naipitatiglo ilûnaita katitipait, ajortullo ajungitullo. Nuliarêngnialertuglo iglungak nerrimârᴋatauniartunut nimniolerpok.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Rômiunut 13:14

Nâlegarle Jêsuse Kristuse atiniarsiuk, timelo pairisiuk ikliguktailitilugole.

Rômiunut 3:22

Idluarsinerle Gûdeme atortoᴋ, okpernermit Jêsuse Kristusemut pijoᴋ oᴋautigivara, tamainut piksaᴋ, ilûnatiglo okpertut pigijaksangat.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

II Korintemiunut 5:3

Naipitaujomârupta annorârsimavluta, ussingalugata (timeᴋarluta).

Galâtsiamiunut 3:27

Ilûnase Kristusemut baptisimajose Kristuse atimagapsiuk.

Efêsusemiunut 4:24

Inuktârlo atiniarsiuk, Gûde adsilivlugo pingortisimajoᴋ idluarnerme, ajunginermelo, ivsornainermelo.

Takotitaunermik 16:15

Ahâk, tikiniarpunga tigliktotut. Piloridlarpok erᴋomaniartok annorânelo âkᴋiksimatidlugit, annorairlune arvertaromanane, kangusûtigijaksanga takojauᴋonago.

Takotitaunermik 19:8

Tâmnalo nuliaksak tunitsiviovok annorâᴋartitauvlune ipeᴋtongitomik saitemik ânanamik. (Saitele tagva ivjornaitut idluartitauningat.)

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Takotitaunermik 3:18

Perᴋovagit tagva, goldemik ikomamut sujungaititaumajomik pisiniarᴋovlutit uvamnit, akluilerᴋovlutit, ᴋaᴋortaniglo annorânik atitilutit, annorâᴋanginivît kangunarninga sakᴋerᴋonago, ijîkiglo mingoakik ijisiumut, tautoᴋovlutit.