Mattêuse 21:5 - Labrador Inuttitut Heritage Bible

⁵ Zionib pania oᴋautisiuk: Ahâk, atanît ᴋaivok ilingnut sunaungaidlune, siuterᴋortojome iksivavlune, siuterᴋortojublo nangmarpaktub noggangata ᴋânganêdlune.

Mattêuse 21:5 Iomraidhean Croise

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

II Samuel 16:2

Tagva attannek Zibamut oᴋarpok: Sunamut ukkoa attoromavigit? Ziba oᴋarpok: Siuteᴋoktojut attanniub illanginut illingajuksauvut, ᴋângine ablangaᴋovlugit, niaᴋojallo, Feigillo nukapitsanut nerkiksaujuksauvut, Weinelo imiksauvok tapkonunga, merngortorniarpatta sunaᴋajuitome.

I Atannit 1:33

Atanniub oᴋautivait: Angajoᴋapse kivgangit illasearisigik, erneralo Salomo ikkitisiuk horseojârtoᴋotimnut, atersartilugolo unnunga Gihonemut.

I Atannit 10:26

Salomolo katersoivok ᴋamutingnik aksalloalingnik, sorsuktuksaniglo horsit ᴋângine ablangajunik, peᴋalaukporlo ᴋamutingnik aksalloalingnik 1,400 dinik, sorsuktuksaniglo ablangajunik horsit ᴋângine 12,000 dinik, ineᴋarᴋovaillo iglugasaksoarne aksalloalingnut illingajune, Jerusalemelo atanniub najugâne.

Imgerut 9:14

Unipᴋârᴋovlunga nertornarnernik tamât Zionib panniata itterviksoanginne, ᴋuviasorᴋovlunga ikajornît pivlugo.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 40:9

Zione, tussarnertunik oᴋâlajuksaujotit, majorarit ᴋaᴋᴋamut poᴋtojomut; Jerusaleme, tussarnertunik oᴋâlajuksaujotit, nippeᴋarit sôngojomik, nipliadlarit sivoranaglo; Jûdab iglugasaksoangit oᴋâlavigikit: Ahâk, tagga Gûdise!

Jesaiase 62:11

Ahâk, Nâlegaᴋ tussaksautipoᴋ sillaᴋsûb issuanut: Zionib pannia oᴋautijartorsiuk: Ahâk, piulijiksat ᴋaivoᴋ! Ahâk, akkiliutiksaminik najorteᴋarpoᴋ, akkijutingalo sânganẽpoᴋ.

Hesekiel 34:24

Uvangalo Nâlegaujunga Gudeojomavunga tâpkonunga, kivgaralo Davide angajoᴋaulârpoᴋ tâpkonunga, uvanga Nâlegaujunga taimak oᴋarpunga.

Hesekiel 37:24

Kivgaralo Davide ataniojomârpoᴋ tâpkonunga, tâpkoalo ilûnatik mianerijetuaᴋaromârput; arvertaromârpullo idluarijamne, perᴋojakkalo kamagilugit piniarlugillo.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Numbers 24:19

Jâkomillo pijoᴋ ajugaulârpoᴋ, nungutsilârporlo amiakôjunik iglugasaksoarne.

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Mattêuse 2:2

Erniangoᴋamertok Jûdit ataningat nanêᴋâ? Uvlorianga unane takogaptigo, tuksiarvigijartorpavut.

Mattêuse 2:6

Igvit Betlehem nuname Jûdêame, mingnerpângungilatit iglugasangnit assingnit Jûdêamêtunit; ilingnit pijomârmat Nâlegak inuᴋotiminut Israêlib kinguvânginut ataniojuksak.

Mattêuse 21:6

Ilinniartuk ailerpuk, piniarlutiglo perᴋojaunermiktut Jêsusemut.

Lukase 24:27

Môseselo nalautaijullo tamaita oᴋautigilerpait tâpkungnunga, aglangniglo tamainik aglaksimajunik tâpsominga tukkisititsiarlugik nalojungnaitipak.

Johannese 1:49

Natânaêlib kiovâ oᴋautivlugolo: Rabbi, Gûdib ernerivâtit, igvit Israêlitit atanerivâtit.

II Korintemiunut 10:1

Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.

Deuteronomy 17:16

Kisianele horseᴋutiksane unuksititaksaringilait, inuillo utertitaksaringilait Egiptenemut, horsit unuksititsomavlugit; Nâlekab oᴋautilaungmase: Mattoma kingorngane apᴋotikut omûna utertuksaungilase.

Idluarsaijut 12:14

Tamna erneᴋalaukpok 40 ginik, ᴋangiaᴋalarmelo 30 ginik, ablangalauktunik siuteᴋoktojut nochangine 70 gine; idluarsailaukporlo Israelitinik jârenik 8 inik,

Idluarsaijut 5:10

Ablangajose siuteᴋoktojune ᴋakortane, idluarsaivingme iksivajose, imgeritselo apᴋosinerme agvertartose.