Mattêuse 21:35 - Labrador Inuttitut Heritage Bible

³⁵ Tagva perorsêvilerijut kivgangit tigudlarlugit, ilangat issaᴋavât, ilangat toᴋopât, ilangat ujarᴋanut millorpât.

Mattêuse 21:35 Iomraidhean Croise

I Atannit 18:13

Nâlegara oᴋautsaumalungilâk pinniarlauktamnik Isebele toᴋotsitillugo Nâlekab nellautaijoᴋotinginik? Nâlekab nellautaijoᴋotingit 100 dit ijerlaurapkit, mâne 50 git, ikkanelo 50 git ᴋairosungmut, patangaitilugillo, ᴋakᴋojamik imermiglo?

I Atannit 18:4

Isebelible Nâlekab nellautaijoᴋotingit nungutilaungmagit, Obadjab nellautaijut 100 dit tiguvait, ijerpaillo ᴋairosungmut, mâne 50 git, ikkane 50 git, patangaitilaitalo ᴋakᴋojanik, imermiglo.

I Atannit 19:10

Tamna oᴋarpok: Ilûnngertorlaukpunga Nâlegak Gûde Zebaoth pivlugo; Israelib ᴋitorngangita angernerilauktat ᴋemangmatsuk, Altarekotitillo serᴋomilaukpait, nellautaijoᴋotitillo toᴋolaukpait saviksoarmut, uvangalo amiakotôvunga, pinnasuarpullo inôsimnik, pêjaivigijomavlunga.

I Atannit 19:2

Tagva Isebele tillijaksamik tilliklerpok Eliamut, oᴋautsauᴋovalo: Gûdit immâglonêt, immâglonêt, pinniarvigilinga, ᴋaupat nelliutome tamattomane inôtsit pinniarvigilungikupko, taipkoa attunît inôsingititut.

I Atannit 22:24

Tagva Zedekia Knaenab erninga tikkilerpok tamaunga, ulloarokpâlo Micha, oᴋarlunelo: ᴋanok? Nâlekab annerninga nûsimava uvamnit, oᴋarᴋovlugo illingnut?

II Kronika 16:10

Assable takkojok ningarvigiva, pitilâlo parngnanêrsimavingmut; oᴋalokivigivalo pijoᴋartok tamanna pivlugo. Assablo nalliutome taipsomane innugasaksuit illangit nênerpait.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 26:8

Pijoᴋarporlo Jeremiab oᴋâlautigijarêrmagit tamaita Nâlakab oᴋâlautauᴋojangit inungnut tamainut, ajoᴋertuijut nalautaijullo inuillo ilûnatik tigumivât, oᴋarlutik: Toᴋojuksauvotit.

Jeremia 37:15

Angajoᴋâᴋsuille ningadlalerput Jeremiamut, annaulerlugolo, parngnanairsorlâlo Jônatab aglakpaktub iglunganut; tâmna parngnanairsimavingortisimangmatsuk.

Mattêuse 21:34

Paungalle inilerviat naliutilermat, kivgane tilivait perorsêvilerijunut, paunganginik pilerᴋovlugit.

Mattêuse 21:36

Ama kivgat assingit tiligivait, ununersat sivorlinginit; tâpkoatauk taimailiorivait.

Mattêuse 5:12

Alliatitse, sivôraniaraselo, akkilertautsiaromârapse ᴋilangme. Taimâktauk nalautaijut sivorlise unangmigingmatigik.

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.

Takotitaunermik 6:9

Naᴋitjutillo tallimangat (Saugârsûb) angmarmago, takovunga Altârib atâne Gûdib oᴋausingit pitjutigilugit kigligiutsinitiglo tamakkoninga pitjutigilugit toᴋotaulauktut tarninginik.