Mattêuse 21:32 - Labrador Inuttitut Heritage Bible

³² Johannesib tikilaukpâse ajoᴋertorluselo apᴋotiksamik idluartomik, ilipselo okperingilase; pimaklertille anguniarpaktullo okperivât. Tamanna takolauralloarapsiuk, ᴋaᴋialingilase, kingorngagut tâmna okeringmilugo.

Mattêuse 21:32 Iomraidhean Croise

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Mattêuse 11:18

Johannese tikitok, nerrinanalo imingilak; tagva oᴋarput: Sâtanaseᴋarpok.

Mattêuse 21:25

Johannesib baptijutinga nakit pivâ? ᴋilangmillônêt, inungnillônêt? Tagva issumertuivut ingmingne oᴋarlutiglo: ᴋilangmit pijok oᴋautigiguptigo, oᴋautiniarpâtigut: Sôᴋ okperilaungipisiûk?

Mattêuse 21:31

Tâpkoa maggûk neluakita atâtame perᴋojanga malilaukpaûk? Kiovât: Sivorliub. Jêsusib oᴋautivait: Âhamarik oᴋautivapse: pimaklertit anguniarpaktullo Gûdib nâlegauvinganut iterᴋârnersauniarput ilipsingnit.

Mattêuse 5:46

Ilipsingnigle naglingniktut kissêta nagligigupsigik, sumik tagva akkilertauniksaᴋaromârᴋisê? Pilukait taimailiunginivât?

II Timôteusemut 2:25

Tapatojullo inerterungnarlugit, (neriuklune,) Gûdib taipkua sukutsiane tunitsiviginiarmangâgit ᴋaᴋialernermik, mikseᴋârnek illitarijungnarlugo;

Ebrêerinut 3:12

Udjertoritse ᴋatangutikka, nelise ilipsingne ômateᴋartailile ajortomik, okpingitomik, Gûde ômajoᴋ nâlegungnairlugo pijomik.

II Pêtrusib 2:21

Nâmanersaunajarmat taipkonunga, apᴋosineᴋ idluartomut ᴋaujilaungikunitsuk, tununermit perᴋojanik ivsornaitunik, taipkonunga pititaumajunik.

Takotitaunermik 2:21

Piviksaᴋartilaukparalo ᴋaᴋialerᴋovlugo anguniarnerminik, ᴋaᴋialingilarle.