Mattêuse 21:31 - Labrador Inuttitut Heritage Bible

³¹ Tâpkoa maggûk neluakita atâtame perᴋojanga malilaukpaûk? Kiovât: Sivorliub. Jêsusib oᴋautivait: Âhamarik oᴋautivapse: pimaklertit anguniarpaktullo Gûdib nâlegauvinganut iterᴋârnersauniarput ilipsingnit.

Mattêuse 21:31 Iomraidhean Croise

Hiobe 15:6

ᴋanerpit pitlarraksaunerarniarpâtit uvangaungitorlo; kangasinâkpît kiolutit akerartoraksarivâtit.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Mattêuse 12:50

Atâtama ᴋilangmêtub pijomajanganik maliktok, tâmna nukarivara, najagivaralo, anânagivaralo.

Mattêuse 18:3

Oᴋarlunalo: Âhamarik, oᴋautivapse: Uteromangikupse, nutakᴋatitun-ingikupse, nâlegauvingmut ᴋilangmêtomut pijomângilase.

Mattêuse 20:16

Taimâk kingorlît sivorliojomârput, sivorlîllo kingorliojomârput. ᴋaiᴋojaujut unudlarmatta, anerimajulle ikidlarput.

Mattêuse 21:30

Aipânullo tikinivok, taimâktauk oᴋautivlugo! Tâpsomale kiovlune oᴋautivâ: Âhaila, Nâlegak! Ainanalo.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Mattêuse 5:46

Ilipsingnigle naglingniktut kissêta nagligigupsigik, sumik tagva akkilertauniksaᴋaromârᴋisê? Pilukait taimailiunginivât?

Mattêuse 6:5

Tuksiaruvit, takkormôrtutitun-ituksaungilatit. Taipkoa nangerput tuksiarlutiglo katimavingne, iglullo sângane, tautuktaujomavlutik inungnut. Âhamarik, oᴋautivapse: Akkilertaujarêrput.

Mattêuse 7:21

Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.

Mattêuse 9:9

Jêsuselo tagvangat aularame, inungmik takovok, tuniorᴋaivingme iksivajomik, Mattêusemik atelingmik oᴋautivâlo: Malinga! Nikoviporlo maliklugo.

Lukase 15:10

Oᴋaupapse: Taimâktauk, idluitulijok ᴋaᴋialerangat, Gûdib Engelingita ᴋuviasûtigivât.

Lukase 19:22

Oᴋautivâ: Kivgâlôjotit, oᴋausernit erᴋartorpagit. Angutausertunga ᴋaujimalauramga ililaungitakka tigugapkit, karngasulaungitakkalo katitikapkit:

Lukase 7:29

Inuillo nâlektingita ilûnatik pimaklertillo Gûde nakoridlarpât, baptitauᴋolutiglo Johannesib baptijutânut.

Johannese 3:3

Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Johannese 3:5

Jêsusib kiovâ: Âhamarik, âhamarik oᴋaupâgit: Erniangongitok imermut Anernermullo, Gûdib nâlegauvinganut pijungnangilak.

Apostelit Piniarningit 17:30

Naliutune inuit nalojôtilugit Gûdib kamagingitsertulaukpait; mânale inuit ilûnaita nunalingne tamaine ᴋaᴋialerᴋovait;

Rômiunut 3:19

Kaujimavogulle, perᴋojat oᴋausingit taipkonunga perᴋojalingnut pingmatta; ᴋanit ilûnatik simiktauᴋovlugit, silaᴋsûblo inungit ilûnatik pasijaksauᴋovlugit Gûdib sângane.

Rômiunut 5:20

Perᴋojalle illautitaulerput, idluitulinerub angininga nalonaititauluarᴋovlugo. Ajorneruble anginingata nalonaititauviane saimanerub anginersauninga nalonaititaumaluarpoᴋ;

II Pêtrusib 3:9

Nâlekab angersimanine mulutingilâ, illangita mulutitaunasugigalloarmatsuk; ᴋenuersârvigitigulle, assioniartoᴋarᴋojinginame, ilûnaitale sâgiarᴋovlugit.