Mattêuse 2:13 - Labrador Inuttitut Heritage Bible

¹³ Aularmattale, ahâk, Nâlekab Engelingata Jôsefe sakᴋervigivâ sinnaktomanikut oᴋarlunalo: Makitit, nutarârsuglo anânangalo ilingnut pikik, nunamullo Egiptenemut ᴋemâlerit, taikanêlutillo, uvamnut oᴋautijauᴋârtinak; Herôdesib nutarârsuk toᴋonasuarmago.

Mattêuse 2:13 Iomraidhean Croise

I Atannit 11:17

Tagva Hadade ᴋemâvok illagillugolo Edomiut angutingita, atatangata kivgangita illangit, Egiptenemut tikkitsomavlutik. Hadadele nukapiangolaukpok sulle.

I Atannit 3:5

Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.

Hiobe 33:15

Sinektomanikut takkotitjutikut unnuarme, siningnerub ittijub inuit tupvigilerangagit, sinnileraikpatta inangavingme:

Hiobe 33:17

Inuk sangutilugo kajusimaninganit pijomavlune sapputilugolo piojorinermit;

Exodus 1:22

Tagva Faraub inuᴋotine tamaita perᴋovait oᴋarlune: Angutearsuit inôlertut ilûnnaita kôksoarmut eginiarpase, arnârsuille ilûnnaita inôtilugit.

Mattêuse 1:20

Taimagle issumaᴋalermat, ahâk, Nâlekab Engelingata sakᴋervigivâ sinnaktomanikut, oᴋarlune: Jôsefe, Dâvidib erninga, sivôranak, Maria nuliaksat ilingnut pilugo; singainga Anernermit ajunginermit pingmat.

Mattêuse 10:23

Iglugâsaksuille ilangine unangmikpase, assinginut ᴋemâtitse. Âhamarik, oᴋautivapse: Israêlitit iglugasaksoangit ingergajarêrviginiangilase, Inûb Erninga tikerᴋârtinago.

Mattêuse 2:12

Gûdiblo sinnaktomanikut perᴋovait, Herôdesemut uterᴋonagit. Apᴋotigilauktamiglo assiagut nunamingnut angerarput.

Mattêuse 2:14

Makiporlo tagva, nutarârsuglo anânangalo ingminut pivak, Egiptenemullo ᴋemâvok,

Mattêuse 2:16

Herôdese ᴋaujimalerame ilisimajunut tapagijaugame, ᴋaningajâdlalerpok, nutarârsuillo ilûnaita Betlehemêtut erᴋânêtullo, jârilit maggûngnik, nukardlingillo toᴋotaujartorᴋovait, ilisimajut kiglisivigitsialauramigit (inûlervinganik).

Mattêuse 2:22

Tussaumagamiugle Arkelause ataniolertok Jûdêame, atâtane Herôdese innangerdlugo, tâvunga ainermik sivôralerpok. Sinnaktomanikut Gûdemut perᴋojauvlune nunamut Galilêamut ailerpok.

Apostelit Piniarningit 10:22

Oᴋarpullo, Kornêliuse Zenturiôjoᴋ, angut isumagiktok Gûdemik nâlektok, Jûdit ilûnatik idluarnerartangat, Gûdemut ᴋaujititauvok Engelikut ivsornaitokut, ilingnik ᴋaikojerᴋovlugo iglominut, oᴋautsinik tusartuksauvlune ilingnit.

Apostelit Piniarningit 10:7

Engelelo Kornêliusemut oᴋartok aularmat, kivgaminit magguk, sorsuktuksallo najortigivaktame ilangat, Gûdemik nâlektok, ᴋaiᴋovait,

Apostelit Piniarningit 12:11

Pêtruselo ingminik tukisilerame, oᴋarpok: Mâna mikselingmik tukisivunga, Nâlekab Engeline tilingmago piulivlunga Herôdesib agganginit, inuillo Jûdit nerriungninginit tamainit.

Apostelit Piniarningit 12:7

Ahâglo, Nâlekab Engelinga tagvunga pivok, ᴋaumajublo parngnanairsimavik ᴋaumarsarpâ; Pêtruselo sanerâgut patikpâ tupaktilâllo oᴋarlunelo: Makisârit! Kelaumgujallo pêrput agganginit.

Apostelit Piniarningit 16:36

Parngnanairsimaviublo angajoᴋângata oᴋautsit makkoa oᴋautigivait Paulusemut: Aulatsijut tiliklilaukput tamaunga, ᴋelarutjârtauᴋovlutik. Mâna anileritik, aularlutiglo ulapirsauteᴋarlutik.

Apostelit Piniarningit 5:19

Nâlekable Engelingata parngnanairsimaviub upkuanga angmarpâ unnuame, anitilugillo oᴋarpok:

Apostelit Piniarningit 7:19

Tâpsoma uivêtôvlune ilaptingnut, atâtagijavut kappiasuktipait, nutaranginiglo egitautitsivok, inôᴋojomanagit.

Josua 3:13

Mannalo ajochertuijut akkigartut attanniotitub sillaksoarmut tamainut angersimaningata iklervinganik, allutik pitipattigik Jordanib imminganut, tagva immek timânit kôktok avingniarpok, ᴋallerêktilunelo nokᴋarniarpok.

Josua 3:17

Ajochertuijullo Nalekab angersimaningata iklervinganik akkigartut, nangerput taimak ipterilingajome Jordanib ᴋerᴋane. Israelitillo illuêngarlutik iᴋârput erᴋagut ipterilingajokut, innugasaksuit illunamasiatik Jordanib akkianut tikkiᴋârtinagit.

Josua 4:10

Ajochertuijut iklervingmik akkigartut nangermatta Jordanib ᴋerᴋâne, tamaita sorartitauᴋârtinnagit Nalekab perᴋolauktangit Josuamut, innungnut oᴋauserilugit; sorlo Mosesib Josua perᴋolaungmago. Innuillo tuavilukarput ailutiglo akkianut.

Josua 4:18

Ajochertuijullo Nalekab angersimaningata iklervinganik akkigartut ᴋakkitillugit Jordanemit, tuttitillugillo allumingnut pannertomut, Jordanib iminga pilaurivok innigivaktaminut, kolunelo sivornganetut siksangangne illunane.

Takotitaunermik 12:14

Arnarlo issarungnik maggûngnik nektoraliub angijub issarôktitut-itungnik tunitsiviovok, tingilerᴋovlugo inuᴋajuitomut iniksaminut, tagvane nerrititauᴋovlugo nelliutome atautseme, neliutungnelo maggûngne, neliutublo ᴋoppangane, ᴋuglugiab kênanganit.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 12:6

Arnarlo ᴋemâvok inuᴋajuitomut, tagvane Gûdib iniksarsisimavâ, tagvane nerrititaukovlugo uvlut 1,260 it nâvlugit.