Mattêuse 2:12 - Labrador Inuttitut Heritage Bible

¹² Gûdiblo sinnaktomanikut perᴋovait, Herôdesemut uterᴋonagit. Apᴋotigilauktamiglo assiagut nunamingnut angerarput.

Mattêuse 2:12 Iomraidhean Croise

Genesis 31:24

Gûdible Labane Siriamioᴋ tikkipâ sinnaktômatilugo unnuarme, oᴋautivlugo: Udjertulerit, Jako oᴋarviginiarungne, ajungitomit sangurᴋonak ajortomut.

Exodus 1:17

Ernisuksêjulle Gûde sivôragivât, pinialungilallo sorlo Egiptenemiut ataningata oᴋautingmagit, angutiarsuille inûlivait.

Daniel 2:19

Tagva nalonadlartoᴋ tamanna nalonaijartauvoᴋ Danielimut takotitjutikut unnuarmi. Danieliblo ᴋilaub Gudinga nakoridlarpâ.

Mattêuse 1:20

Taimagle issumaᴋalermat, ahâk, Nâlekab Engelingata sakᴋervigivâ sinnaktomanikut, oᴋarlune: Jôsefe, Dâvidib erninga, sivôranak, Maria nuliaksat ilingnut pilugo; singainga Anernermit ajunginermit pingmat.

Mattêuse 2:13

Aularmattale, ahâk, Nâlekab Engelingata Jôsefe sakᴋervigivâ sinnaktomanikut oᴋarlunalo: Makitit, nutarârsuglo anânangalo ilingnut pikik, nunamullo Egiptenemut ᴋemâlerit, taikanêlutillo, uvamnut oᴋautijauᴋârtinak; Herôdesib nutarârsuk toᴋonasuarmago.

Mattêuse 2:19

Herôdesele toᴋungmat, ahâk, Nâlekab Engelingata Jôsefe sakᴋervigivâ sinnaktomanikut Egipteneme,

Mattêuse 2:22

Tussaumagamiugle Arkelause ataniolertok Jûdêame, atâtane Herôdese innangerdlugo, tâvunga ainermik sivôralerpok. Sinnaktomanikut Gûdemut perᴋojauvlune nunamut Galilêamut ailerpok.

Mattêuse 27:19

Kiglisiniarviublo iksivautangane iksivalertilugo, nuliangata oᴋautjaujartorᴋovâ: Idluartok una allaruk; unnuak sinnaktomavlunga tâmna pivlugo angijomik ikpigilaukpunga.

Lukase 2:26

Anernermullo ajunginermut nalojungnaititaulaukpok Toᴋonianginerminik Nâlekab Kristûsinganik takoᴋârane.

Apostelit Piniarningit 10:22

Oᴋarpullo, Kornêliuse Zenturiôjoᴋ, angut isumagiktok Gûdemik nâlektok, Jûdit ilûnatik idluarnerartangat, Gûdemut ᴋaujititauvok Engelikut ivsornaitokut, ilingnik ᴋaikojerᴋovlugo iglominut, oᴋautsinik tusartuksauvlune ilingnit.

Apostelit Piniarningit 4:19

Pêtrusible Johannesiblo kiovait oᴋautivlugillo: Nangminek kiglisiniaritse, Gûdib sângane idluarmangât, ilipse uvaptingnut nâlektaunersaugupse Gûdemit.

Apostelit Piniarningit 5:29

Pêtrusible kiovait Apostelillo oᴋarput: Gûde nâlengnarnersauvoᴋ inungnit.

I Korintemiunut 3:19

Silaksûb mattoma silatuninga silainiongmat Gûdib sângane. Aglaksimangmat: Silatojut tâpsoma anguvait silatuningine.

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

Ebrêerinut 8:5

Tâpkoa ᴋilaub pingita adsiluanginik tachanginiglo kivgartorput; imâk Môsese Gûdemut ajoᴋertortaulermat tupeᴋ inneraksaringmago: Kamatsialerit, oᴋarpoᴋ, senaᴋovlutit tâpkoninga ôktûte unertutaujoᴋ ilingnut ᴋaᴋᴋame maliklugo.