Mattêuse 2:11 - Labrador Inuttitut Heritage Bible

¹¹ Iglomullo iterlutik, nutarârsuglo anânangalo naipipakit, pâmakterlutiglo tuksiarvigivât, perᴋutitiglo sakᴋerpait, pililâllo goldemik, tippitsiariksaumiglo kutsumiglo.

Mattêuse 2:11 Iomraidhean Croise

Genesis 43:11

Tagva atâtangata Israêlib oᴋautivait: Taimaitsariaᴋarpat, imailioritse: Nunab pingita annernarnerpât illanginik pôpsingnut illijivluse, angumut taipsomunga pilliutinik neksaritse: mingoarutegalâmik erngautaujagalâmiglo, tauvluᴋutinik, kutsomiglo, saunanik, saunâlungniglo.

I Atannit 10:10

Tapsomalo atannek tunnitsivigiva Goldemik Tallentinik 120 ginik, mingoarutiksaniglo tippitsiariktunik unuktovaksoarnik ujarganiglo pivianartunik. Mingoarutiksat taimâk unuktigijut Arabiamiut ataningata tunnilauktangititut atannermut Salomomut tikkiutjaujungnailaukput.

I Atannit 10:2

Jerusalemullo tikkipok unuktunik najorteᴋarlune, Kamelinik, mingoarutiksanik pivianartunik, Goldeniglo unuktunik, ujarkaniglo pivianartunik, nangmartunik. Salomomullo tikkipok, oᴋarvigivalo tamainik omamigijaminik.

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Imgerut 45:8

Annorâtit illunatik Mirreôvut, Alloeôlutiglo, Kezeaôlarmiglo; igloksuit illuanit, Elefantit tôganginnit sannamajut, attornermut noakseralingnik ᴋuviasuktitauvotit.

Imgerut 72:10

Attannît Tarsisemit, ᴋikkertennillo pilliutinnik ᴋaitsijomârput; attannîllo Arabiab, Sebablo attaniovingangnit tunnergutinik âtsijomârput.

Imgerut 72:15

Inôjomârpok, tunitsiviojomârlunelo Goldemik Arabiamib attaniovinganit pijomik. Tuksiarviotsainaromârporlo, uvlut tamaita nertortaujomârpok.

Imgerut 95:6

ᴋaititse, opigosukta, sêrkortorlutalo, pâmakterlutalo Nâlekab sannajipta sângane.

Exodus 30:23

Tigusigittauk ilingnut tauvluᴋutiksanik piojônerpânik, Mirrimik ilaᴋangitomik sêkeletut 500tut, Sinamônemiglo mamaktomik tâpsoma abvangatut, tagva sêkeletut 250tut, Kalamûsemiglo sêkeletut 250tut,

Exodus 30:34

Nalekablo Mosese oᴋautivâ: Tigusigit ilingnut tipitsiariksautiksanik, Staktemik, Balsamiglo, Galbânumiglo, Wairauchemiglo ilaᴋangitomik: ilûnnatik oᴋumaitigijigêklutik:

Imgerusersoak 3:6

Kinauva tâmna (arnak) majorartok sunaᴋajuitomit, isserluktut ᴋongmualuatsiartotut, isserluktut Mirrinit Weirauchemillo âniasiusiortiblo serᴋallijanginnit sunatuinarnit pijotut?

Jesaiase 60:6

Kamêlit unuktovaksuit kamêlillo sukkalisût Midianemit Efamillo tatatsomârpâtit; Sebamit tikkitsomârput illũnatik goldemik kutsomiglo tippitsiariksaumik ᴋaitsivlutik, Nâlekablo nertornautâ oᴋautigijomârpât.

Leviticus 6:15

Tigusijuksauvorlo sanaugatsiarmik tigumiaramik tunergutimit nerᴋiksamit, orᴋsunganillo, tipitsiariksautiksanganiglo ilûnânik, ôtitaksarivaillo tunerguservingme naimaᴋutiksautsiarᴋovlugo, erᴋaumajutauᴋovlugo Nâlekamut.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Numbers 7:14

ᴋallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

Numbers 7:86

Kallutat goldeojut 12, isserluanerutiksamik tatatut, atunit sekeletut 10tut, ivsornaitoviub sekelinga maliklugo; ᴋallutat goldingat sekeletut 120tut ipoᴋ;

Mattêuse 1:18

Jêsusible Kristûsib erniangoninga imaipok: Anânanga Maria, Jôsefemut angersimalerame, katerᴋâratik, malungnarsivok, singailermat Anernermit agunginermit.

Mattêuse 12:46

Sulle taimâk inungnut oᴋâlatilugo, ahâk anânangalo ᴋatangutingillo angutit silatânêput, oᴋaᴋatigijomavlugo.

Mattêuse 14:33

Umiarmêtulle pâmaktervigijartorpât, oᴋarlutiglo: Âhamarik, Gûdib ernerivâtit.

Mattêuse 2:10

Uvloriak takolermigamitsuk, ᴋuviasuvaksoadlarput.

Mattêuse 2:2

Erniangoᴋamertok Jûdit ataningat nanêᴋâ? Uvlorianga unane takogaptigo, tuksiarvigijartorpavut.

Lukase 2:16

Tuavilutiglo tagvunga pivut, Marîalo Jôsefelo tikipakit, taimâktauk nutarârsuk nergjutit nerᴋeviane ilimajok.

Lukase 2:38

Tâpsomatauk stundeme taipsomane tikipait, Nâlegarlo nakoridlarpâ, oᴋautigilâllo piulijiksamik utaᴋijunut tamainut Jerusalemêtunut.

Johannese 19:39

Nikodêmuselo ᴋailerivok sivorngagut unnuangotilugo Jêsusemut tikilauktoᴋ, ᴋaitsilunelo tipigiksautenik mingoarutiksaniglo akutsimajunik, oᴋumailutatitut 100 itut oᴋumaitigijunik.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)

Takotitaunermik 5:8

Aglaillo tigungmagit, ômajut sitamat taipkoa Angajoᴋaunerôjullo 24 it pâmakterput Saugârsûb sânganut, ilûnatiglo atunit harfeᴋarput iluleᴋuteᴋarlutiglo goldinik isseluanerutiksamik tatatunik; tamadja ivsornaitut tuksiarningit.

I Samuel 10:27

Inuille koksalaitut illangit oᴋarput: Sunamik oma ikajoraksarivâtigut? Nachogivâllo, pilliumiglo âtsivigilaunginivât. Tamnale tussangitsertorpok tapkoninga.