Mattêuse 19:28 - Labrador Inuttitut Heritage Bible

²⁸ Jêsusible oᴋautivait: Âhamarik oᴋaupapse, mâna malikapsinga, ilûnatik nutaujomârpatta, Inûblo Erninga iksivajomârpat iksivautamine ânanaunersoalingme, ilipsetauk iksivajomârivose iksivautane 12 ine, erᴋartorlugillo Israêlib kinguvângit ᴋitorngarêt 12 it.

Mattêuse 19:28 Iomraidhean Croise

I Atannit 18:31

Ujarkallo 12 it tiguvait Jakob ᴋitorngangita kinguvarêngita unnurningit malliklugit, (Nâlekab oᴋausingita oᴋarvigijangata imâk: Israelemik ateᴋartuksauvotit.)

II Kronika 9:19

Lœwingoallo 12 it nangerlaukput tagvane tumerangne pingasojortune ittivigêngine. Taimaitomik sannamajoᴋalautsangilak attanniovit nalliane.

Esra 6:17

Tunnijivullo tunnergutinut Gudib iglungata attortautainarninganut, tuktuvângnik angusallungnik 100 dinik, saugârsungniglo 200 dinik, tuktungajuniglo angusalungnik 400 dinik, tunnergutiksamullo ajortoêrutiksamut Israelitit illuêngârlutik pivlugit tuktungajunik angusallungnik 12 nik, Israelib kinguvarêngita unnurningit malliklugit.

Exodus 15:27

Tikipullo Elimemut, tagvane puilaveᴋarpok 12nik, napârtuniglo Palmenik 70nik: tagvanelo tangmârterput imît ᴋanitangane.

Exodus 24:4

Mosesiblo Nâlekab oᴋausingit ilûnnaita aglakpait, uvlârarsukullo makipok, tunerguserviliorporlo ᴋakᴋaub atâne, napajuliorporlo 12nik, Israêlib kinguvârêngit 12 maliklugit.

Exodus 28:21

Allikullo aglagviojuksauvut Israêlib ᴋitorngangita atinginik 12nik, atingit aglaksimavlutik sorlo naᴋitjutib aglangititut; atunit ateᴋarlutiᴋ kinguvârêt 12 maliklugit.

Jesaiase 65:17

Ahâgle, ᴋilangmik nutâmik nunamiglo nutâmik pingortitsijomârpunga; sivorlît tagva erᴋartaujungnairomârput erᴋaumajaujungnairlutiglo.

Jesaiase 66:22

Sôrlo ᴋilak nutâᴋ nunalo nutâk pingortitsomârtakka aulajuitôngmatta kênama sângane, oᴋarpoᴋ Nâlegaᴋ, taimaktauk kinguvâksase attiselo aulajuitôjomârput.

Leviticus 24:5

Sanaugatsiarmiglo tigusijuksauvotit ᴋakᴋôjaliorlutillo 12nik tâpsomangat; efab tallimaujûgik maggûk ᴋakᴋôjarmut atautsemut ilingajuksauvuk.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Mattêuse 19:27

Tagva Pêtrusib kiovâ oᴋautivlugolo: Ahâk, tamaita ᴋemalaukpavut, malilarpillo; sumîk akkiksaᴋalârpitâ?

Mattêuse 20:21

(Jêsusiblo) oᴋautivâ: Sumîk pijomavêt? Oᴋautivâ: Ernîkka ikkua iksivaᴋokik nâlegauvingne, aipâ talerpikpît tungâne, aipangalo saumikpît tungâne.

Mattêuse 25:31

Inûble Erninga ânanaunermine tikikune, Engelit ajungitut tamaita illagilugit, iksivajomârpok iksivautamine ânanaunersoalingme.

Mattêuse 6:33

Gûdib nâlegauvinga idluarningalo pinasuarᴋârsigik, tagva tunitjivioniarpose tamakkoninga tamainik.

Mattêuse 8:20

Jêsusib oᴋautivâ: Tegianiat siteᴋarput, tingmitjallo ᴋilaub atânêtut uvloᴋarivut; Inûble Erninga peᴋangilarlônêt niaᴋorme innangaviksanganik.

Markuse 10:37

Kiovâk: Perᴋogitiguk, atauseᴋ talerpikpît tungâne, aipangalo saumikpît tungâne iksivaᴋolunuk nâlegauvingne.

Apostelit Piniarningit 3:21

Tâmna iteriaᴋalaukpok ᴋilangmut, naliunek tikidlugo, tamaita nâmaksititauvingat, Gûdib oᴋautigilauktangita nalautaijut ilûnatik ᴋaningitigut silaksûb pigiarninganit.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

Josua 3:12

Tagva manna angutinnik 12 nik tigusileritse Israelib kinguvarêngninginnit, kinguvarêt nallienit attautsemik.

II Pêtrusib 3:13

Oᴋausingale pitjutigivlugo nerriukpogut ᴋilangmik nutâmik, nunamiglo nutâmik, idluarnerub iniksanganik.

Takotitaunermik 11:16

Angajoᴋaunerôjullo 24 it, Gûdib sângane iksivajut iksivautamingne, pâmakterput Gûde tuksiarvigivlugo,

Takotitaunermik 12:1

Kilangmelo nelunaikutaᴋsoak sakᴋerpok: Arnak seᴋinermik annorârsimajok, takᴋerlo itigangita atânêtok, niaᴋominelo niaᴋôteᴋarlune uvloritjanik 12 nik.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 21:5

Iksivautaksoarmelo iksivajok oᴋarpok: Ahâk, tamaitaᴋsuit nutângortipakka. Oᴋarvigivângalo: Aglagit; oᴋautsit tamakkoa mikseᴋârtôvlutik okpernartoksôngmatta.

Takotitaunermik 22:2

(Iglugasaksuillo) apᴋosiningita ᴋerᴋane kôblo senîgingne tamangne napârtoᴋalaukpok ômanartunik; tâpkoa 12 inik ingmigôlingajunik paungaᴋalaukput, takᴋinelo tamaine nutânik paungaᴋaᴋattarput, napârtullo millukatangit atsuiligutiksauvut nelojunut.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.

Takotitaunermik 3:21

Sâlaᴋartok iksivaᴋojomavara illagilunga iksivautamne; sorlotauk uvanga sâlaᴋalaurama, Atâtagalo iksivaᴋatigigapko iksivautangane.

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.

Takotitaunermik 7:4

Naᴋitjutitaujullo unurningit tussarpakka, 144,000 it, naᴋitjusersimajut (nelunaikusersimajut) tamainit Israêlib kinguvângita abvanginit: