Mattêuse 18:9 - Labrador Inuttitut Heritage Bible

⁹ Ijivîttauk sinaungatikpatit, pêruk egidlugolo. Ilingnut ajunginersauvok, igluinarmik ijeᴋarlutit inôtsemut iteruvit, maggûngnik ijeᴋarnernit, ikomamullo ᴋamitsuitomut egitaunernit.

Mattêuse 18:9 Iomraidhean Croise

Mattêuse 16:26

Inûb suksarivaûk, silaksoak ilûnât piksarsiarigalloaruniuk, tarninga asserorpat? Ubvalo, sumîk inuk tunijijungnarᴋâ tarnime satûtiksanganîk?

Mattêuse 18:8

Aggakpîlle itikavîllo sinaungatikpatit, nakakit egidlugillo. Ilingnut ajunginersauvok, tussiaklutit, illakungorlutillônêt inôtsemut iteruvit, igluktut aggaᴋarnernit, itigaᴋarnerillônêt igluktut, ikomamullo ᴋamisuitomut egitaunernit.

Mattêuse 19:17

Oᴋautivâle: Sôk ajunginerarpingâ? Ajungitoᴋangilak, Gûde kissime ajungilak. Inôtsemulle iteromaguvit, perᴋojat malingniakit!

Mattêuse 5:22

Uvangale oᴋautivapse: ᴋatangutiminut nâmaksingitok (pitjuteᴋarane) idluarsaivingmut pijaksautipok ingminik; ᴋatangutiminulle oᴋartok: Koinangnadlâluᴋên? kiglisiniarᴋatigêngnut pijaksautipok ingminik; oᴋartorle: Ominauteâluᴋotse, ingminik pijaksautipok ᴋôrᴋub piunginelukoviub ikomanganut.

Mattêuse 5:29

Ijivît talerpiub sunaungatikpatit, pêruk egilugolo. Ajunginersauvok ilingnut, timivît ilanga asserorpat, timit ilûnât egitaukonago âniatitsivingmut.

Markuse 9:47

Ijivîllo sinaungatikpatit, pêruk egidlugolo. Ilingnut ajunginersauvoᴋ, igluinarmik ijeᴋarlutit Gûdib nâlegauvinganut iteruvit, maggûngnik ijeᴋarnernit, âniatitsiviublo ikomanganut egitaunernit.

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Ebrêerinut 4:11

Tagva mâna ataruilita, merngoêrservingmut tamattomunga iterᴋovluta, neliat kataᴋonago, ipkoa okpingitut igjaraksarivlugit.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.