Mattêuse 18:8 - Labrador Inuttitut Heritage Bible

⁸ Aggakpîlle itikavîllo sinaungatikpatit, nakakit egidlugillo. Ilingnut ajunginersauvok, tussiaklutit, illakungorlutillônêt inôtsemut iteruvit, igluktut aggaᴋarnernit, itigaᴋarnerillônêt igluktut, ikomamullo ᴋamisuitomut egitaunernit.

Mattêuse 18:8 Iomraidhean Croise

Jesaiase 30:22

Gûdingoat silbereojut sanajapse amingit Gûdingoallo goldeojut sanajapse annorângit sujuktitsomârpasse êgillugillo aktarlukutitut oᴋarvigivlugillo: Pêritse!

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Mattêuse 17:27

Ningaijauᴋonagille uvaptingnut, tesseᴋsûb sinânut ainiarit, ᴋargjuksârniglo ningitsilutit; sivorlerlo mingeriak ᴋaᴋitat tiguguk. ᴋaningalo aitartikungne, kênaujamik nagvâlârpotit; tâmna tiguguk, tunilugolo tâpkonunga pivlunga pivlutillo.

Mattêuse 25:41

Saumingmêtunullo oᴋarniarivok; Idluitoâlôjose, uvamnit aularitse, ikomamut ᴋamitsuitomut pijarêrsimajomut Sâtanasemut Engelinginullo.

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Lukase 14:33

Taimâktauk ilase pijaminik tamainik kamajungnairomangitok, tâmna ilinniartigijungnangilara.

Lukase 16:24

ᴋaigarsulerpok oᴋarlune: Atâtak Abraha, nâpkiginga, Lazaruselo tiliuk, tikime nuvua imermut misuᴋârlugo, oᴋara nigliterliuk; mattomunga ikomaksoarmut âniadlarama.

Rômiunut 13:12

Unnuaᴋ nâvoᴋ ᴋaulerdlunelo;) taimaimat tâᴋtub piniarningit iperarniarlavut, ᴋaumajuble sakkunginik atiniardluta.

Takotitaunermik 14:10

Tâmna imeromârpok Gûdib ningausingata vaininganik illaᴋangitomik ningausingata ermgusiarsunganut kovijaujomik; naiatitauniarlunelo ikomamut orᴋsorutelingmut, Engelit ivsorânitut Saugârsûblo takoane.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.