Mattêuse 18:28 - Labrador Inuttitut Heritage Bible

²⁸ Tagva kivgak tâmna anilerpok, naipitsivlunalo kivgauᴋatime ilanganik, akkiliksaᴋarvigijiminik kênaujanik 100 inik; tiguvâ tagva, torᴋojâᴋsivlugolo oᴋautivâ: Akkiliksatit uvamnut akkilikit!

Mattêuse 18:28 Iomraidhean Croise

Nehemia 10:31

Nunablo inuᴋattigêksoangita Sabbatib uvlungane, ᴋaitsileraikpatta niorvgutiksanik, nerᴋiksaniglo sunatuinarnik niorvgosijomavlutik, tigujomanginaptigik Sabbatine, uvlunelo ivsornaitune; Jârillo 7ingane akkiliaksat sunatuinait akkilertaujungnairᴋojomagaptigik.

Nehemia 5:7

Ommatigalo ilûmne isumaksarsiorpok, suarpakkalo erᴋanartut, aulatsijullo, oᴋautilugillo: Ilipse attunît ᴋatangutipsingnit, taukteliksarsijunit ilipsingnit tappiksamik tigusijomavise? Ilagêllo unuktut akkerartortipakka tapᴋonunga,

Salomob Okâl 28:3

Angut aklujok, pijariakitunnik oᴋumaititsijok, suarutaktut perorsijanik asseroijotut ipok.

Jesaiase 58:3

Sôᴋ nerritailiᴋattarᴋitâ, igvit takonânginaptigut? Sôᴋ tarnivut piojorijungnairtipitigîk, igvit tamanna kamaginginangne? — Ahâk, nerritailijarangapse, idluarᴋutiksarsiorpose, erᴋinaidlarluselo sullijaksaᴋarpose.

Hesekiel 45:9

Imâk oᴋarpoᴋ Nâlegaᴋ Nâlegaujoᴋ: Tamanna nâmagisiuk, ilipse angajoᴋaujose Israêleme; oᴋumaiksartitsineᴋ aksorotjinerlo pêjarsigik, idluartomiglo ajungitomiglo piniaritse; aᴋsârningniselo inuᴋotimnit sorairtisigik, oᴋarpoᴋ Nâlegaᴋ Nâlegaujoᴋ.

Mattêuse 18:27

Tagva ataniub kivgak tâma nâpkigilerpâ, aularᴋolugolo akkilêᴋojungnairivâ akkiliksanik.

Mattêuse 18:29

Tagva kivgauᴋatingata pâmakterdlune tuksiarvigivâ oᴋarlunalo: ᴋenuêvigilaunga, tamaita akkileromavakka ilingnut.

Mattêuse 20:2

Sanajuksallo angeᴋatigijarêramigit, kênaujamik atautsemik akkileromavlugit, uvluᴋ nâvlugo sanaᴋovlugit, tilivait perorsêvingminut vainiliksatalingmut.

Markuse 14:5

Imeᴋ tâmna pisiangonajalaurune, akkeᴋarajarpoᴋ ununersamik kênaujanit 300init, aklujunut tunijaksanik. Oᴋarnerlûtigivâllo.

Markuse 6:37

Jêsusible kiovait, oᴋautivlugillo: Ilipse nerᴋiksanginki tunitjivigisigik. Oᴋautivâllo: Kaᴋᴋôjaᴋsiniariartortuksauvitâ, kênaujat 200 it akkinginut, ukkua nerᴋiksanginîk?

Lukase 10:35

ᴋaulermat aularomagame, kênaujâk maggûk sakᴋerpak tunivlugiglo siniktarviub inuanut, oᴋautivlugolo: Pairiuk, anginersamiglo piniarviginiarungne, akkileromavagit, utermiguma.

Lukase 7:41

Akkiliksarviojoᴋalaukpok akkiliksalingnut Maggûngnut, aipanganut kênaujanik 500 nik, aipanganullo kênaujanik 50 nik.

Johannese 6:7

Filippusib kiovâ: ᴋakᴋôjat kênaujarsungnut 200 inut pisiangovaktut inuit tâpkoa amigarivait, mikijomiglônêt atunit pigalloarunik.

Deuteronomy 15:2

Imailingajuksauvorlo akkilêᴋojijungnaivik: attartortitsijûb attartortautitane inôᴋatiminut atauteᴋarᴋojaksaringilâ (jâreme tâpsomane); inôᴋatiminit ᴋatangutiminillônêt atauseᴋ ᴋaitauᴋojaksaringilâ; atauteᴋarᴋojijungnaivik Nâlekab pinganik taijaungmat.