Mattêuse 16:18 - Labrador Inuttitut Heritage Bible

¹⁸ Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.

Mattêuse 16:18 Iomraidhean Croise

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

II Samuel 18:4

Attanniub oᴋautivait: Namagijapsingnik pinniaromavunga. Attannerlo ittertarviksub tungânut nangeriartorpok, innugatoksuillo illunatik annilerput, 100 dit kattigêklutik, 1,000 dillo kattigêklutik.

Hiobe 38:17

“Toᴋûb upᴋoaksoangit upkoêlauᴋât illingnut? Ubvalo tâktub upᴋoaksoangit takkolaukpigît?

Imgerut 107:18

Tarningita nerᴋiksat tamaita makkojugilaungmagit, ᴋannilauktullo toᴋᴋub ittervinginnut;

Imgerut 127:5

Pillorikpok pittiksitaminik tattatjuteᴋartok taimaitunnik; tâpkoa kangusuktitauniangilat, ômigijimingnik ᴋachimioᴋattigêleraigunik itterviksoarme.

Imgerut 129:2

Tattekattalaukpânga innuosungnimnit; sâlagilaungilângale.

Imgerut 69:12

Ittertarvingme iksivajut ᴋanneᴋadlarvigivânga, immerᴋattauvingnelo imgertigivânga.

Imgerut 9:13

Nâlegak nâpkigilaunga, ânianikka ômigijimnut takkonârkit, ᴋagvertitsijotit uvamnik toᴋᴋub itterviksoanginnit.

Salomob Okâl 24:7

Ilisimanek inornarpok silaitomut; tamna ᴋanerminik aitartitsijuksaungilak (oᴋauseᴋaromamut) kachimiovingme.

Jesaiase 28:16

Tamanna pivlugo Nâlegaᴋ Gûde oᴋarpoᴋ: Ahâk, ujarᴋamik tunganartovingmik illijivunga Zioneme, ôktûtiksaujomik, iglub terreᴋuksanganik pivianartomik, tungavingmik aulajuitomik, nalliallo okpertoᴋ ᴋemâjariaᴋaromângilaᴋ.

Jesaiase 28:6

Anerniojomârporlo idluarsaijoᴋ erᴋartuivingme iksivajomut, unatadlartuniglo uttertitsijut iglugasaksuit itterviannut pitsartutigijomârpât.

Jesaiase 38:10

Oᴋarpunga: Uvluksama unurningit ᴋetteratuinarmatta, ingergajariaᴋalerêrpunga anernerit inningata itterviksoanginut, aᴋsârtauniarlunga jârima simnikunginik.

Jesaiase 54:17

Sakkut illũnatik, sorsugvigijomavlutit senajaujut, sullijomângilat, oᴋallo ilũnaita erᴋartoromavlutit pilertut igvit erᴋartoromârpattit. Tamadja Nâlekab kivgangita kingormgutijaksangat idluarᴋutiksangallo uvamnit pijoᴋ, oᴋarpoᴋ Nâlegaᴋ.

Jona 2:6

Kaᴋᴋat tungavinginut kivilauᴋpunga; nunab palangairutingita aniviksairutivânga sorairniangitomik; igville inôsera ᴋaᴋitipat asserornermit, Nâlegaᴋ Gudigalo.

Mattêuse 10:2

Apostelit 12 it atingit tamadja: Sivorlek Sîmon, Pêtrusemik taijak; nukâlo Andrêase; Jâkobuse, Zebedêusib erninga nukâlo Johannese.

Mattêuse 11:23

Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.

Mattêuse 18:17

Tussangipase, tamanna illagêktunut oᴋautigiuk. Illagêktullo nâlengipagit, nalojotut pimaklertotullônêt ilinganasugileruk.

Mattêuse 4:18

Jêsusele Galilêab tesseksoangata sinâne pisukame, angutik nukarêk takovak, Sîmon, Pêtrusemik atipsâlik, nukangalo Andrêase, nulutjamingnik ningititsijuk imânut mingeriarniarteogamik.

Mattêuse 7:24

Tamanna pivlugo, oᴋautsimnik makkoninga tussartok maliktorlo, tâmna adsiutipara angumut silatujomut, igloliortomut ᴋairtomut.

Johannese 1:42

Jêsusemullo pitippâ: Jêsusib takogamiuk, oᴋautivâ: Sîmoneovotit, Jônasib erninga; Kêfasemik ateᴋartuksauvotit (imaipok: Pêtrusemik, ubvalo: ᴋairtomik).

Apostelit Piniarningit 2:47

Nerrivullo, Gûdelo nartorpât ᴋuviasuklutik isumalingasuituniglo ômateᴋarlutik, inungnullo ilûnainut ivlerijauvut. Nâlegarle piloriktitaulertunik uvlut tamaita ilautitsivok okpertunut.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

Apostelit Piniarningit 8:1

Saulusible Stefanusib toᴋotauninga idluarivâ. Taipsomane ilagêktut Jerusalemêtut angijomik unangmijaulerput; tâpkoalo ilûnatik siamarterput nunangnut Jûdeamut Samâriamullo, Apostelit kisimik pinatik.

I Korintemiunut 15:55

Toᴋo êjauvok sâlaᴋarnermut. Toᴋo, kapputit naûk? Kappianartovik, sâlaᴋarnît naûk?

Galâtsiamiunut 2:9

Taipkoalo Jakobusib Kêfasiblo Johannesiblo aulatsijungortitaujut tunitsivionera saimanartomik tukkisilauramitsuk, tagva aggamnik Barnabasiblo agganginik talerpingminut tigusivut, adsigêktomiglo issumaᴋaᴋatigivâtigut uvagut nelojunut oᴋâlajuksaugapta, taipkoale kipimajunut.

Efêsusemiunut 3:10

Mânaulermat illagêktutigut Gûdib sunatuinarne silatuninga ᴋaujijautitauᴋovlugo nâlegaunersoarnut ataniotinersoarnullo ᴋilangmiunut,

Efêsusemiunut 5:32

Nalonartoᴋ tamanna angijôvoᴋ: Kristusele illagêllo oᴋautigivakka.

Kolossamiunut 1:18

Tâmnalo niaᴋorivâ timib, tamadja ilagêt; tâmna pigiarniovlune erniarngoᴋârtôvok toᴋungajunit, nâlegauᴋovlugo tamainit sivorliovlune.

I Timôteusemut 3:15

Mullulerumale, ᴋaujimaᴋovlutit iliortuksaunernik Gûdib iglungane; tamadja Gûdib ômajub ilagêktitangit, mikseᴋârnerub sukanga tungavingalo aulajungnangertok.

I Timôteusemut 3:5

(Iglomioᴋatiminigle pairᴋsinermik nelojub, ᴋanok Gûdib illagêktoᴋotingit pairiniarajarpagît?)

Ebrêerinut 12:28

Tamanna pivlugo Nâlegauvik aulajuitoᴋ pigaptigo, saimarsauteᴋarluta (atutsiarlavut); tamattomunga Gûde kivgartorlugo ᴋuviagijanganut, kuksasukluta naipertugarivlugo.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 21:14

Iglugasaksuillo avaloksoangit tungaveᴋarput 12 nik, tamakkonanelo Saugârsûb Apostelingita 12 it atingit aglaksimavut.