Mattêuse 15:31 - Labrador Inuttitut Heritage Bible

³¹ Inuillo tamanna pivlugo tataminiarput, takogamik, oᴋarungnangitut oᴋalermatta, illakungortullo pijungnairmatta, tussiaktullo pisulermatta, tautungitullo tautulermatta; Israêliblo Gûdinga nakoridlarpât.

Mattêuse 15:31 Iomraidhean Croise

Genesis 32:28

Oᴋarporlo: Kingorngagut Jakomik atteᴋarungnairlutit, Israelemik atteᴋartuksauvotit, Gûdemullo inungnullo sorsugavit sâlaᴋarlutillo.

Genesis 33:20

Tunerguserviliorporlo tagvane, atserarlugo Gûdib, Israêlib Gûdingata (tunerguserviᴋotinganik).

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 50:23

ᴋujalinermik tunnijijub, tâpsoma nakorivânga, tamanalo apᴋutauvok Gûdib piuliklerninganik saᴋᴋertitserᴋovlunga tâpsomunga.

Exodus 24:10

Israêliblo Gûdinga takovât: itigangitalo atâne pitaᴋarpok sorlo ujarᴋanik ᴋeblâlâjunik, sorlolo ᴋilaktut allaᴋidlartilugo.

Mattêuse 15:30

Inugasaksuillo nelipsarpât, tussiaktunik, tautungituniglo, oᴋarungnangituniglo, illakungortuniglo, assinginiglo unuktunik illalit, ilivaillo Jêsusib itigangita sânganut; tâpsomalo âᴋikpait,

Mattêuse 18:8

Aggakpîlle itikavîllo sinaungatikpatit, nakakit egidlugillo. Ilingnut ajunginersauvok, tussiaklutit, illakungorlutillônêt inôtsemut iteruvit, igluktut aggaᴋarnernit, itigaᴋarnerillônêt igluktut, ikomamullo ᴋamisuitomut egitaunernit.

Mattêuse 21:14

Katimavingme tautungitullo tussiaktullo tikipât, pijungnaitipaillo.

Mattêuse 8:10

Jêsusible tamanna tussaramiuk, tataminiarivâ, maliktinalo oᴋautivait: Âhamarik oᴋaupapse, taimâk angitigijomik okpernermik nagvâlaungilanga Israêlitine.

Mattêuse 9:32

Tâpkua aningmanik, ahâk inungmik Sâtanaselingmik oᴋarungnangitomik tâpsomunga âtsivut.

Mattêuse 9:33

Sâtanaselo anititaungmat, oᴋarungnangitok oᴋalerpok. Inuillo tataminialerput oᴋarlutiglo: Taimaitomik takolaungimarikpogut Israêlitine.

Mattêuse 9:8

Inuit tamanna takogamitsuk, tataminiarput, Gûdelo nakoridlarpât, inuit taimaitunik pitsartunernik tunitjivigilaungmagit.

Markuse 2:12

Tautuktilugillo makisârpoᴋ, aumitinelo neksarlugit anivoᴋ; ilûnatiglo tataminiarput, Gûdelo nakoridlarpât, oᴋarlutiglo; Taimaitomik mattoma sivorngagut takolaungimarikpogut.

Markuse 7:37

Tataminiarlutiglo oᴋarput: Tamaita idluartipait: tussangitut tussartilugit, oᴋarungnangitullo oᴋartipait.

Markuse 9:43

Aggakpîlle sinaungatikpatit, nakakit. Ilingnut ajunginersauvoᴋ, illakungorlutit inôtsemut iteruvit, maggûngnik aggaᴋarnernit, âniatitsivingmullo ikomamut ᴋamitsuitomut egitaunernit;

Lukase 14:13

Nerrimâraksamigle âᴋiksoiguvit, aklujut, tusiaktullo, illakungortullo, tautungitullo nerrijartorᴋolaukit.

Lukase 14:21

Kivgablo tâpsoma angajoᴋâne oᴋautijartorpâ taipkoninga. Angajoᴋâk ningarpok tagva, kivganelo oᴋautivâ: Katsungailutit ailerit iglugasaksuit akornganut, apᴋosinernullo: aklujullo, tusiaktullo, illakungortullo, tautungitullo tagvunga itertikit.

Lukase 18:43

Tagvainarlo tautulerpok, maliklugolo, Gûdelo nakoridlarpâ. Inuillo ilûnatik tamattominga tautuktut Gûde nertorpât.

Lukase 7:16

Ilûnatiglo erᴋsilerput, Gûdelo nakoridlarpât, oᴋarlutik: Nalautaijoksûb tikipâtigut, Gûdiblo inuᴋotine nelipsarpait.

Johannese 9:24

Tagva aippanganik inuk tautulaungitok ᴋaiᴋolerpât oᴋautivlugolo: Gûde nertoruk. ᴋaujimavogut, inuk tâmna ajortôngmat.