Mattêuse 13:57 - Labrador Inuttitut Heritage Bible

⁵⁷ Sinaungajutigivâllo. Jêsusible oᴋautivait: Nalautaijok nunaᴋatingita iglomioᴋatingitalo kamaginginersarivât assinginit tamainit.

Mattêuse 13:57 Iomraidhean Croise

Jesaiase 49:7

Nâlegaᴋ, Israêlib piulijinga ivlernartitoᴋ oᴋarpoᴋ imâk tarnilît nachogijangannut, inuit maᴋojugijangannut, attaniâluit kivgangannut: Attanersuit takonâromârput nikkovilutiglo, attanerillo pâmakteromarput Nâlegaᴋ nertornartoᴋ pivlugo, ivlernartitoᴋ Israêlikkune pivlugo illingnik anerosuktoᴋ.

Jesaiase 53:3

Nachogijaujôvoᴋ, inungnut ᴋemaktaumajoᴋ, angut ãnialik, ᴋanimainartoᴋ, nachonaluartoᴋ, illũnatik kênatik tâpsomangat allarmagit; tamanna pivlugo suksaunasugingilavut.

Jesaiase 8:14

Ivsornaitoviksôjomârpoᴋ tagva ujarauvlunelo aporvik ᴋairtôvlunelo sinaungasautaujoᴋ inûᴋatigênut maggoinut, Israêlib kiguvânginut, nigaujomârporlo ochojutauvlunelo Jerusalemiunut.

Mattêuse 11:6

Piloridlarporlo sinaungajuteᴋalungitok uvamnik.

Mattêuse 13:58

Tagvanalo unuktunik tatamnartulingilak okpinginingat pivlugo.

Markuse 6:1

Tagvangallo aularpoᴋ, nunaminut pivlune; illiniartingitalo malikpât.

Markuse 6:14

Atanerlo Herôdese tamattominga tussaumalerame, (Jêsusib attinga illitarijaulermat) oᴋarpoᴋ: Jôhannese baptiterijoᴋ toᴋungajunit makisimavoᴋ; tamanna pivlugo taimaitomik tatamnartulivoᴋ.

Markuse 6:3

Igloliorteungitôᴋ? Marîab Erninga, Jakôbusiblo, Jôsesiblo, Jûdasiblo, Siminiblo ᴋatangutigingilatsûk? Najangillo, ilûnatik uvaptingnêngilât? Ilûnatiglo sinaungajutigivât.

Markuse 6:4

Jêsusible oᴋautivait: Nelautaijoᴋ kamagijaunginersauvakpoᴋ nunaᴋatiminut illaminullo, assinginit tamainit.

Lukase 4:24

Oᴋarporle: Âhamarik, oᴋautivapse: Nalautaijok ivlerijaungilak inugoijauvingmine.

Lukase 7:23

Piloridlarporlo sinaungajuteᴋalungitoᴋ uvamnik.

Johannese 4:44

Nangminerle Jêsuse kigligiutjivok, nelautaijok nunamine nakorijaungimat.

Johannese 6:42

Oᴋarlutiglo: Jêsuseungilâk una, Jôsefib erningâ? atâtangalo anânangalo illitaringilavût? ᴋanorle oᴋarᴋâ: ᴋilangmit tikitungâ?

Johannese 6:61

Jêsusele ilumigut malugosulerame, ilinniartingita tamanna anûjutigingmatsuk, oᴋautivait: Tamanna sinaungajutigivisiûk?