Mattêuse 13:44 - Labrador Inuttitut Heritage Bible

⁴⁴ Ama Gûdib nâlegauvia perᴋutemariktut ivlernartotut, perorsêvingme ijersimajotun-ipok. Inûb tâmna nagvâleramiuk ijerpâ; ᴋuviasungnermullo perᴋutine tamaita niorvgutigivait, perorsêviglo tâmna pisiarivlugo.

Mattêuse 13:44 Iomraidhean Croise

Hiobe 28:13

ᴋaujijoᴋangilak nane nallamangât, nachvartaungilarlo inôjut nunangane.

Salomob Okâl 16:16

Pinasuarnek ilisimanermik nâmanersauvok Goldemit, silatuneᴋartitaunerlo pivianarnersauvok Silberemit.

Salomob Okâl 17:16

Kênaujat suksauvât silaitub agganginne, ilisimanermik pissiniaromamut, ommateᴋanginingane?

Salomob Okâl 18:1

Nangminerminik avitub ikligunine pinnasuarutigivait, ajungitullo tamaita akkerartorpait.

Salomob Okâl 23:23

Mikseᴋârnek pissiariuk niorvgutiginiarnagolo, taimaktauk ilisimanek, Nâlektitaunerlo silatunerlo.

Jesaiase 55:1

Atte, illũnase imeruktose, imermut ᴋaititse, kênaujaᴋangitoselo, ᴋaititse pissiniarluse nerrivluselo! Attê, ᴋaititse, vainemiglo immungmiglo pissiniaritse kênaujaᴋarase akkiliutiksaᴋaraselo.

Mattêuse 13:24

Adsiujub tâpsoma assianik oᴋarvigivait oᴋarlunalo: Gûdib nâlegauvia inuktun-ipok, perorsiaksamaringnik karngasuijotut perorsêvingminut.

Mattêuse 13:46

Sapangarlo pivianartok nagvâramiuk, perᴋutine tamaita niorvgutigivait, tâmna pisiarivlugo.

Mattêuse 13:47

Ama Gûdib nâlegauvia nulutjatitut, imânut ningititaumajutitun-ipok, sunatuinarnik nuluartitsivaktutitut.

Mattêuse 19:21

Jêsusib oᴋautivâ: Idluartôjomaguvit, perᴋutitit tamaita niorvgotigijartokit, aklujunullo piliutigivlugit, tagva perᴋuteᴋarniarpotit ᴋilangme; ᴋailerillo malinga!

Mattêuse 19:27

Tagva Pêtrusib kiovâ oᴋautivlugolo: Ahâk, tamaita ᴋemalaukpavut, malilarpillo; sumîk akkiksaᴋalârpitâ?

Mattêuse 19:29

Inub iglune ᴋemakuniuk, ᴋatangutinelônêt, atâtanelônêt, anânanelônêt, nulianelônêt, ᴋitornganelônêt, perorsêvinelônêt, attera pivlugo; 100 ertorlugit pijomârivait, kingormgujivlunalo inôtsemik nungusuitomik.

Mattêuse 6:21

Perᴋuteᴋarvipsingne, ômatise tagvanênivut.

Lukase 14:33

Taimâktauk ilase pijaminik tamainik kamajungnairomangitok, tâmna ilinniartigijungnangilara.

Johannese 6:35

Jêsusible oᴋautivait: Uvanga ᴋakᴋôjauvunga inôgutilik. Uvamnut ᴋaijok kângniarungnairpok; uvamnullo okpertok imerosungniarungnairpok.

Rômiunut 15:4

Sivorngagulle aglaksimajut ajoᴋertortaujutiksaptingnut aglaksimavut, aglangnut ᴋenuersârtitauvluta manigortauvlutalo nerriugijaksaᴋarᴋovluta.

Kolossamiunut 2:3

Perᴋutit ilisimajutiksat ilitarsijutiksallo tamaita tâpsomane ijersimangmatta.

Kolossamiunut 3:16

Kristûsib oᴋausingit ineᴋartisigik angijomik ilipsingne, ilisimanartunut tamainut (ilingavluse); ajoᴋertortigêgitse erᴋaititsijigêkluselo imgerutinut nertordlerutiksanut, tuksiarutsinullo anernelingnut, imgerluselo tussarnertunut ômatipsigut tuksiarluse Nâlekamut.

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.

Takotitaunermik 3:18

Perᴋovagit tagva, goldemik ikomamut sujungaititaumajomik pisiniarᴋovlutit uvamnit, akluilerᴋovlutit, ᴋaᴋortaniglo annorânik atitilutit, annorâᴋanginivît kangunarninga sakᴋerᴋonago, ijîkiglo mingoakik ijisiumut, tautoᴋovlutit.