Mattêuse 13:38 - Labrador Inuttitut Heritage Bible

³⁸ Perorsêvik tagva silaksoak. Perornitsiariktut tagva nâlegauvingme ᴋitorngaujut. Perornerluktut tagva ajortub ᴋitorngangit.

Mattêuse 13:38 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Imgerut 22:30

Kinguvâkaromârpok kivgartortunnik tâpsominga; Nâlegak unipkautigijaujomârpok ᴋittorngat ᴋittornganginnut.

Jesaiase 53:10

Kissianele Nâlekab idluarivâ, nerᴋerᴋsudlartitsomavlugo ãniatitsomavlugolo. Tarninga (nangminerminik) tunergutiksatut sattûtiksatut tunikpat, kinguvâksaminik takojomârpoᴋ, uvluksane unuksitillugit, Nâlekablo idluarijanga pivalliatitaujomârpok aggangitigut.

Hosea 2:23

Tâmnalo karngasoromârpara uvamnut nuname; tâmnalo nâpkigijaulaungitoᴋ nâpkigijomârpara; ipkoalo inuᴋutaulaungitut uvamnut oᴋautitsomârpakka: Inuᴋotigivapse; tâpkoalo oᴋaromârput: Gudigivaptigit.

Mattêuse 13:19

Tussartokarpat oᴋautsinik nâlegauvingmik, tukkisinagillo, tagva Sâtanasib oᴋautsit pêjariartorpait ômatânut karngautigimajut; tâmnauvok, apᴋosiniub senianut karngautigimajok.

Mattêuse 24:14

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Mattêuse 5:37

Oᴋausise imailerlit: Âhailâ, âhailâ, aukak, aukak; ununersat idluitomit pivut.

Mattêuse 8:12

Nâlegauvingme ᴋitorngaujulle ajaktortaujomârput tâktokso armut ungardlerpâmut, tagvane ᴋeavaksoadlarneᴋaromârpok aglerulârneᴋaromârlunalo.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Johannese 12:24

Âhamarik, âhamarik oᴋaupapse: Perorsiaksak senaugaksak ivjomut katangikune toᴋonanelo, kisimêtôlerpok; toᴋogunele singailiktaᴋalerpok unuktunik.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Apostelit Piniarningit 13:10

Oᴋarlunelo: Kitorngaujotit Sâtanasemut, saglotunermiglo, uivêriklernermiglo ilumiuteᴋadlartotit, idluarnerniglo tamainik ômisuktotit, soraingilatit Nâlekab apᴋosiningit idluartut atortauningit agviarlugit;

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

Rômiunut 8:17

Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

Kolossamiunut 1:6

Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

I Pêtrusib 1:23

Ilipse erniangupsârsimajose kinguvâksamit asserorniartomiungitoᴋ asserojuitomille, Gûdib ômajub oᴋausingagut, issoᴋangitomut-itsomârtokut.

I Johannesib 3:2

Nagliktakka, mâna Gûdib ᴋitorngarivâtigut saᴋᴋijârsimangilarlo sulli ilingajomârnivut. Kaujimavavulli saᴋᴋijârniarpat, adsiginiaraptigo; takoniaraptigo ilinganinga.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;