Mattêuse 13:22 - Labrador Inuttitut Heritage Bible

²² Ukpigaille kakilautilit akornganut karngautigimajok, tâmnauvok, oᴋautsinik tussartok, silaksûblo mattoma pinginik siaklernerub, akluitsomanerublo uivêrinarningata oᴋautsit ipitipait, sulugainertâranalo perorsiaksatalingnik.

Mattêuse 13:22 Iomraidhean Croise

Imgerut 52:7

Ahâk takka angut Gûdemik sappulutaᴋalaungitok; akluinermigle Tattekalauktok, sôngolaukporlo kassênermine.

Imgerut 62:10

Aksorornermut aksârnigaujut sungertutiginiarassigik, tattekaraselo ivartaujunik. Akluinermik tunnitsiviogupse, ômattise ungaᴋoniarassigik tamattominga.

Salomob Okâl 11:28

Akluinerminik tatteᴋartok ᴋatangniarpok; idluartulle tungojoksiniarput milluᴋattaktitut.

Salomob Okâl 23:5

Ijikik torartailitikik pijungnangitarnut; tamânna esaroᴋartingmat nektoraliktut, tingilunelo ᴋilangmut.

Okaluktok 4:8

Inutôjoᴋarpok; aipaᴋaranelo ᴋitorngaᴋangilak, ᴋattanguteᴋangilarlônêt, sullelo sennaninga naggateᴋangilak, ijîgiglo akluinermik nâmaksijungnangilâk. Kinamut sennagalloarkîk, kippiluklugolo tarniga? Tamanna sulinginiogivok siorniorniolunelo oᴋumaitok.

Jeremia 4:3

Nâlagak imâk oᴋarmat angutinut Judamêtunut Jerusalemêtunullo: Nunase poagijartaumangitoᴋ poagijarsiuk, karngasoiniaraselo okpigait kakilautilit akornganut.

Mattêuse 12:32

Inûblo Erninganik oᴋauteᴋaluktok issumagijaujungnainiarpok. Anernermigle ajunginermik oᴋauteᴋalûtilik issumagijaujungnainiangilak, naliutomelônêt tamattomane, naliutomelônêt pijomârtome.

Mattêuse 13:39

Akkerartorte ukkuninga karngasuijok tagva Sâtanase. Katersivik tagva silaksûb mattoma naggatiksanga. Kibluijut tagva Engelit.

Mattêuse 13:40

Sorlo inuit nusujôngungmagit perornerluktut, ikomamullo ikoalaklugit, taimaitsomârivok silab mattoma naggatiksangane.

Mattêuse 13:7

Ilangit katakput ukpigait kakilautilit akornganut; ukpigaillo kakilautilit, peroramik, toᴋopait.

Lukase 12:15

Oᴋautivaillo: Akluitsomanermik udjertoritse; inûb perᴋutivaksuit inôgutigingimagit.

Lukase 12:21

Taimâk ilingavut perᴋutinik katersoijut, akluinatiglo Gûdeme.

Lukase 21:34

Ilipsele udjertoritse, ômatise oᴋumailerᴋonagit nerritunermut imertunermullo, nunab pinginik pinasuarnermullônêt, uvlormut taipsomunga opingartaukonase.

Lukase 8:14

Ukpigaille kakilautilit akornganut kataktut, tâpkoangovut, tamakkoninga tussartut, inôtsible siaklernarningane, akluitsomaninganelo, ikliguninginelo pijut, ipidlarpullo, sulugaineᴋtâratiglo sanaugaksatalingnik.

Apostelit Piniarningit 8:18

Simonible takogamigit Anernermik ajunginermik tunitsiviojut, Apostelîk aggangmingnut patingmikpatikik; kênaujanik tunitjivigijomavak,

Rômiunut 12:2

Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.

I Korintemiunut 1:20

Nauk silatujût? Nauk aglangnik illisimajût? Nauk silamik mattominga kiglisiniartût? Silaksûb mattoma ingita silatuningat Gûdib silaitilaungilâuk?

I Korintemiunut 2:6

Oᴋautigijavulle illisimaniogalloarpok nâmaksijunut; silaksûb mattoma illisimaningaungitok, silaksûb mattoma angajoᴋângitalônêt, nunguniartut.

I Korintemiunut 2:8

Silaksûb mattoma angajoᴋângita, atautsiblônêt, tamanna illitarilaungilât; illitarilaurunitsuk, Nâlegak ânanaujoksoak kikiaktorajalaungilât saningajolingmut.

I Korintemiunut 3:18

Naliat uivêriniarane nangminerminik; illase silatonasugigune nangminerminik, tâmna silaitungorle silame tamattomane, silatolerᴋovlugo.

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Efêsusemiunut 2:2

Tamakkoa atorlugit mattoma sivorngagut silaᴋsûb tamattoma ilusingit malilauᴋpase, ataneᴋ silame ataniotijoᴋ nâleklugo, tagva anerneᴋ naliutome tamattomane okpinginerub ᴋitorngangine piniarveᴋartoᴋ.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

II Timôteusemut 4:10

Dêmasib ᴋemangmanga, silaksûb tamattoma pinginik ungalernerame, Tessalônikamullo aularlune: Krêssense Galâtsiamut (aularivok), Tituse Dalmâtsiamut.