Mattêuse 13:15 - Labrador Inuttitut Heritage Bible

¹⁵ Inuit ukkua ômatingit mangaidlarmata, siutimingnullo tussânerludlarput sikungilarmiglo; ijimingnut takoᴋonagit, siutimingnullo tussarᴋonagit sâgiarᴋonagillo ikajortauvlutik uvamnut.

Mattêuse 13:15 Iomraidhean Croise

Imgerut 119:70

Omattingit kinerput pujotut; uvangale malligaksauᴋojattit ᴋuviasutigivakka.

Salomob Okâl 16:30

Ijingmiktok, ajungitomik issumaᴋangilak; kangasinângminullo nellonaiᴋuteᴋartitsijok idluitullinermik kajusivok.

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Jesaiase 57:18

Apᴋutingillo takovakka, inûlijomârpakkalo tassiorlugillo manigormivlugillo nãmaktomik taipkoa kiksautigijingit.

Jesaiase 6:10

Inuit tâpkoa õmatingit mangaitikit siutingillo tussilartikit, ijingillo takpẽtikit, ijimingnut takkurᴋonnagit, siutimingnut tussarᴋonnagit, õmatimingnullo tukkiserᴋonnagit, sâgiarᴋonnagillo inûlijaurᴋonnagillo.

Jeremia 17:14

Inûlilaunga, Nâlagaᴋ, inûlijaudlarniarpunga tagva; piulilaunga, piulijaudlarniarpunga tagva; igvit nertordlerutigigapkit.

Jeremia 17:9

Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 33:6

Ahâk, tukiutjivigijomavakka atsuilinermik inûlijaunermiglo, inûlijomavakkalo; nalonaijaivigijomavakkalo ulapirksaumik mikseᴋârnermiglo amigangitomik.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Markuse 4:12

Ijinut uitajunut tautuklutik illitarserᴋonagit, siutinullo angmajunut tussâvlutik tukkiserᴋonagit, sâgiarᴋonagillo, ajorningillo issumagijaujungnairᴋonagit.

Lukase 19:42

Oᴋarporlo: ᴋanoktôk ᴋaujimagupse ilipseluatsiak, naliunerme tamattomane ulapirᴋsartauniksapsingnut ilingajunik! Mânale ijipsingnut ijersimavok.

Apostelit Piniarningit 28:27

Inuit ukua ômatingit mangaidlarmatta, siutimingnullo tusânerludlarput, sikkungilarmiglo; ijimingnut takoᴋonagit, siutimingnullo tusarᴋonagit, ômatimingnullo tukiserᴋonagit, sâgiarᴋonagillo ikajortaujungnarlutik uvamnut.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Apostelit Piniarningit 7:57

Nipliadlalerpulle siutitik mattuvlugit, atautsikullo sorsugvigijartorpât.

II Timôteusemut 4:4

Mikseᴋârnermik siutitik tunutsitilugit, tukkeᴋangitunullo oᴋautsinut sâdlutik.

Ebrêerinut 5:11

Tamakkoa pivlugit oᴋausiksaᴋaralloarpogut unuktunik, nelonairtitsinerle oᴋumaipoᴋ, tukkisinajanginapse.

Takotitaunermik 22:2

(Iglugasaksuillo) apᴋosiningita ᴋerᴋane kôblo senîgingne tamangne napârtoᴋalaukpok ômanartunik; tâpkoa 12 inik ingmigôlingajunik paungaᴋalaukput, takᴋinelo tamaine nutânik paungaᴋaᴋattarput, napârtullo millukatangit atsuiligutiksauvut nelojunut.