Mattêuse 13:11 - Labrador Inuttitut Heritage Bible

¹¹ Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Mattêuse 13:11 Iomraidhean Croise

Imgerut 25:14

Nâlekab illanâᴋarninga tâpᴋonanêpok sivôrajunne tâpsominga, angernerminiglo ᴋaujitipait.

Jesaiase 29:10

Nâlekab anerneᴋ sinningnartoᴋ kovingmago illipsingnut, ijiselo (tagva:) nallautaijut mattulugit niaᴋoselo (tagva:) takkotitjuteᴋartut ulliklugit.

Jesaiase 29:11

Takkotitjutillo illũnatik illingajuksauvut illipsingnut aglait naᴋitjusertaumajut oᴋausingititut. Tamakkoa tunijaukpatta aglangnik atuarsijungnartomut, oᴋautivlugo imâk: Omât, tamakkoninga atuarsilaurit! — tagva oᴋalerpoᴋ: Sapperpakka, naᴋitjusertaumangmatta.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Mattêuse 13:10

Ilinniartingitalo tikipât oᴋarlutiglo: Sôk adsiujutigut oᴋarvigivigît?

Mattêuse 16:17

Jêsusiblo kiovâ oᴋautivlugolo: Pilorikpotit, Sîmon, Jônasib erninga; uvingub aublônêt mattominga nalojungnaitingilâtit, Atâtamale ᴋilangmêtub.

Mattêuse 19:11

Oᴋautivaille: Oᴋausek tamanna ilûnatiungitok tukkisivât, taipkoale tunitjiviojut kissimik.

Mattêuse 20:23

Oᴋautivaglo: Ermgusiârsub (imanga) imigaksara imerniaralloarpatik, baptitauniksamnullo baptitaujuksaugalloarpotik, talerpingmale tungâne, saumingmalônêt tungâne iksivajomârnek, uvamnut perᴋojaksaungilak (ilîptingnut), Atâtamale iksivaᴋojangit, taipkoa iksivajomârput.

Markuse 10:40

Talerpingmale tungâne, saumingmalônêt tungâne iksivajomârneᴋ uvamnut perᴋojaksaungilaᴋ iliptingnut; iksivaᴋojaujulle kissimik iksivajomârput.

Markuse 4:11

Kiovait oᴋautivlugillo: Ilipse Gûdib nâlegauvingata nelonarninganik ᴋaûjititauvose; taipkoale uvaptingnêngitut adsiujunik oᴋautjaulerput;

Lukase 8:10

Kiovaille: Ilipse Gûdib nâlegauviata nelonarninganik ᴋaujititaugalloarpose; assisele oᴋautjauvut adsiujutigut, takogalloardlutik takoᴋonagit, tussaralloardlutiglo tussarᴋonagit.

Johannese 6:65

Oᴋarporlo: Tamanna pivlugo oᴋautilauᴋpapse: Uvamnut tikitoᴋarungnangilak, Atâtamut tamattominga tunitjiviogune kisiane.

Johannese 7:17

Tâpsoma pijomajanganik piniaromajoᴋarpat, tukkisiniarpoᴋ, ajoᴋertûseᴋ tamanna Gûdemit pingmangât, ubvalo uvamnik oᴋâlamangârma.

Apostelit Piniarningit 16:14

Arnarlo Gûdemik opigosuktok, Lîdiamik atilik, niuverte aupaluktanik (annorânik), Tiatîramiut iglugasaksoanginit pijok, nâletsiarpok; tâpsoma ômatâ Nâlekab angmarpâ, Paulusib oᴋausingit kamagitsiarlugit.

Rômiunut 11:25

Katangutikka, nangminipsingnik silatunasugerᴋonase, naloᴋojomangilapse nalonartomik tamattominga: Israêlib kinguvângita illangit mangaitisimavut, nalojut (sâgiaromârtut) unurningit nâmakserᴋârtinagit,

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

I Korintemiunut 13:2

Nalautainerniglo oᴋarungnaruma, nalonartoᴋsuillo tamaita ᴋaujimagupkit, ilisimanartullo tamaita ilisimagupkit; okpernekarumalo tamainik, ᴋakᴋâluit aglât nukterungnarlugit, naglingneᴋarnangalo, suksaunajangilanga.

I Korintemiunut 15:51

Ahâk, nalonartomik oᴋautivapse: Ilûnata siningniangilagut, ilûnatale ablatsângortitaujomârpogut.

I Korintemiunut 2:14

Inûb ingergarme Gûdib Anerningata pingit tukkisingilait; silainasugilugillo illitarijungnangilait; kiglisiniartaujariaᴋarmatta anernikut.

I Korintemiunut 2:7

Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.

I Korintemiunut 4:1

Inuit ilûnatik imâk issumaᴋarvigilitigut, Kristûsib kivgaringmatigut, pimaklertôgaptalo Gûdib pinginik nalonartunik.

I Korintemiunut 4:7

Kia ajunginersautipâtît? Sumigle peᴋarᴋêt tunergusiaringitarnîk? Mattomingale tunitsiviogavit, sôk nertôtivêt ilingnik, tunitsiviongitotut-idlutît?

Efêsusemiunut 1:18

Illisimanipsigut ijeᴋartitauᴋovluse ᴋaumarsarsimajunik, nelojungnairᴋovluse ᴋaiᴋojaumajut nerriugijaksanginik, kingormgutijaksaniglo ânanaudlartunik akluiniliksôjunik ivjornaitune,

Efêsusemiunut 1:9

Kaujitilaungmatigut pijomajame nalonarninganik, ᴋuviagijaminut, taimâk issumasimagame,

Efêsusemiunut 5:32

Nalonartoᴋ tamanna angijôvoᴋ: Kristusele illagêllo oᴋautigivakka.

Efêsusemiunut 6:19

Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;

Kolossamiunut 2:2

Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

I Timôteusemut 3:9

Okpernerub nelonarninganik torᴋuivlutik issumame ivsornaitome.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

I Johannesib 2:20

Ilipsilo saimaniᴋarposi tâpsomangat, ivjornaitomit, tamaitalo illisimavasi.

I Johannesib 2:27

Saimarsautilo, tâpsomangat pijasi, ilupsingnêtsainarniarpoᴋ, kimullo ajoᴋitortaujariaᴋangilasi; sorloli saimarsautib tamainik ajoᴋitormasi, miksiᴋârtôlarmilo saglunanilo; taimak sorlo ajoᴋitulaungmasi, tâpsomanêtsainaritsi