Mattêuse 12:42 - Labrador Inuttitut Heritage Bible

⁴² Uvluksame erᴋartuivingme kinguvângoᴋatigêt ukkua illagivlugit ataniub nulianga ângat pijok sakᴋeromârpok erᴋartorlugillo; nunamit ungasiktomêtomit pigame, Salomob silatuninga tussariartorlugo; ahâglo, tamânêtoᴋarpok Salomomit anginersaujomik.

Mattêuse 12:42 Iomraidhean Croise

I Atannit 10:24

Nunaggillo ilûnnatik tussudlarput Salomo takkojomavlugo, sillatuninga, Gûdib tunnilauktanga tapsoma omatinganut tusaromavlugo.

I Atannit 3:12

Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

I Atannit 3:9

Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?

I Atannit 4:29

Gûdiblo Salomo tunnitsivigiva illisimanersoarmik, illitarsinersoarmiglo, sillatônermiglo, siorᴋatitut imarbiub siksanganetutitut.

I Atannit 4:34

Inuᴋatigêksoarnillo tamainit tikkitoᴋalaukpok Salomob ilisimaninganik tusaromajunik, atannernit ilûnnainit nunamêtunit, ilisimaninganik tusarlauktunik.

I Atannit 5:12

Nâlekablo Salomo sillatunermik tunnitsivigiva, sorlo oᴋarvigilaungmago. Hiramelo Salomolo ullapirsauteᴋalaukpuk ingmingnut, angerᴋatigêklutiglo.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Mattêuse 12:41

Ninivemiut uvluksame erᴋartuivingme kinguvângoᴋatigêt ukkua illagivlugit sakᴋeromârput, erᴋartorlugillo; Jônasib oᴋâlaningit maliklugit ᴋaᴋialeramik; ahâglo, tamânêtoᴋarpok Jônasemit anginersaujomik.

Mattêuse 12:6

Oᴋaupapsele; tamânêtoᴋarpok katimaviksoarmit anginersaujomik.

Mattêuse 17:5

Sulle taimâk oᴋartilugo, ahâk nuvujab ᴋaumajub ullikpait. Ahâglo, nippe nuvujamit oᴋarpok: Tagga ernera nagliktara, ᴋuviagijara, tâmna nâleksiuk!

Mattêuse 3:17

Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Deuteronomy 30:13

Imarbiub ungatânêlungilarlônêt, oᴋariaᴋarᴋonak: Kina pivluta imarbiub ungatânôrniarᴋâ, tamaungautilugolo uvaptingnut, tusartilutalo tâpsominga, piniarᴋovluta tâpsominga?