Mattêuse 12:34 - Labrador Inuttitut Heritage Bible

³⁴ Ilipse ᴋuglugiangojârtut ivajangit, ᴋanok ajungitunik oᴋarungnarᴋisê, piungitôgapsê? Omatib tattajutinginik ᴋanek oᴋasôngovok.

Mattêuse 12:34 Iomraidhean Croise

Imgerut 53:1

Sillaitut ômattimingne oᴋarput: Gûdeᴋangilak. Piungilat makkojungnartôlutiglo piniarlungninginnut. Tagvane ajungitullijoᴋangilak attautsemiglonêt.

Imgerut 64:3

Oᴋarmingnik kênaksaijut saviksoatut, oᴋautsinnullo orlertortut ᴋarᴋjunnut sorlo,

Imgerut 64:5

Nakkoksitiput ingmingnik idluitomut; unipᴋârlutik ᴋannok niᴋᴋanik illijijomagamik, oᴋarlutiglo: Kia takkojungnarpagît?

Salomob Okâl 16:23

Ilisimajûb ommatinga ᴋaninganik silatotitsivok, kangasinâgingnullo ajuᴋertutsinnik unuksivalliatitsivok.

Salomob Okâl 4:23

Tamainit anginerpangojomik ommatit udsertoruk: omangat inôsek anningmat.

Jesaiase 32:6

Sillaitoᴋ sillainartomik oᴋauseᴋarpoᴋ, õmatingalo pijaksaungitomik pinasuarpoᴋ, nãmangitullijomavlune oᴋalugomavlunelo tammarnartomik Gûde pivlugo, tarnit kâktut nerᴋiksairutijomavlugit, imeruktullo imiksairutijomavlugit.

Jesaiase 59:14

Taimaimat erᴋartuijutiksat uttimuartitauvut, idluarnerlo ungasiktome ᴋikkarpoᴋ, nallâgôrneᴋ pâlangmat iglut akkornganne, idluarnerlo itterlune ajormat.

Jesaiase 59:4

Idluarnermik attortoᴋangilaᴋ, nallâgôrtomik erᴋartuijoᴋangilaᴋ. Piungitunik tattiksaᴋarput, saeglonernik oᴋâlavut, pijaksaungitunik illumiutaᴋarput, oᴋumainartuniglo saᴋᴋertitsivut.

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Mattêuse 12:35

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitok piungitunik sakᴋertitsivok ômatime tattatjutinginit piungitunit.

Mattêuse 15:18

ᴋanikulle anijut, ômamit pivut, tamakkoalo inuk sujuktipât.

Mattêuse 23:33

Kuglugiangojârtose, ᴋuglugiarâlôjârtose, ᴋanok ilivluse erᴋartortaumaneᴋ kappianartolik ᴋemâjomavisiûk?

Mattêuse 3:7

Farisêerillo Saduzêerillo unuktut tikitine baptitsivingminut takogamigit, oᴋautivait: Kuglugiangojârtose ilipse, kia ᴋemâᴋovâse ningautsemit pijomârtomît?

Lukase 3:7

Tagva inuit nelipsarmatsuk baptitaujomavlutik Johannesib oᴋautivait: Kuglugiangojârtose, kia ᴋemâᴋovâse ningautsimit pijomârtomît?

Lukase 6:45

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitoᴋ piungitunik sakᴋertitsivok ômatime tattatjutinginit piungitunit. Omatib tattatjutinginik ᴋanek oᴋajôngovok.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Efêsusemiunut 4:29

Oᴋausilungmik ᴋanipsigut anitsitailileritse, idluartomigle oᴋauseᴋarniaritse âᴋiksûtiksamik pijariaᴋartune, tussartune tussarominartomik.

Efêsusemiunut 5:4

Sumiglônêt oᴋauseluâlungmik, ᴋuksalainermiglo mitautiksanermiglo oᴋauseᴋarasetauᴋ; idluijutaungmatta, ᴋujalingârlusele pititse.

Jâkobusib 3:2

Ilûnata tamarpakapta sunatuinarnik. Oᴋautsemulle atautsemullônêt tamangitok, tâmna nâmaksivlune angutauvok, timetauk ilûnât idluitulitailititsungnarpâ.

I Johannesib 3:10

Tamattomangat nalonarungnairpoᴋ, Gûdib ᴋitorngangit, Sâtanasiblo ᴋitorngangit nalîngongmangâta: idluartomik pingitoᴋ Gûdemit pingilaᴋ, ᴋatangutiminiglo naglingitoᴋ.

I Samuel 24:13

Nalegak idluarsaijôniarpok uvangalo igvillo akkonaptingne, pivlungalo kiglugviginiarpâtit; aggangmale aktoraksaringilâtit.