Mattêuse 12:30 - Labrador Inuttitut Heritage Bible

³⁰ Uvamnik illaᴋaromangitub akkerartorpânga, katersoiᴋatigingitaralo siamartitsivok.

Mattêuse 12:30 Iomraidhean Croise

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

Imgerut 94:16

Kia illilertorpânga kassêtut akkerartorlugit? kia ablorvigivânga idluitullijut akkerartorlugit?

Salomob Okâl 11:24

Ilangat aitortuijongovok, peᴋarpalliatsainarlunelo, assia kippilukpok pijuksaungigalloarnermine, aklupallialunelo.

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Mattêuse 12:29

ᴋanorlônêt sangijoksûb iglinganut inuk iterajarᴋâ, perᴋutinginiglo aᴋsârdlugo; sangijoksoak ᴋelaksorᴋâruniuk kissiane, kingorngagut tâva iglungata perᴋutitangit aᴋsârnigarilugît?

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Markuse 9:40

Uvaptingnik akkerartungitub illagivâtigut.

Lukase 11:23

Ilagijigingitima akkerartorpânga; katersoiᴋatigingitaralo siamartitsivok.

Lukase 9:50

Jêsusiblo oᴋautivâ: Inerterasiuk; uvaptingnik akkerartungitub illagingmatigut.

Johannese 11:52

Inûᴋatigêllo kisêtaungitok; Gûdible ᴋitornganginik siamangajunik katersoerᴋovlugo.

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.

Josua 5:13

Pijoᴋalaukporlo Josua Jerichub ᴋannitanganêdlune, ijingminut takkosarlaurame, mallugosulerporlo nangertoᴋangmat sakᴋamine angumik, tigumiartomik aggangminut saviksoarmik poksimangitomik. Josuablo aivigivlugo oᴋautiva: Uvaptingnut illingavît, omigijiptingnullonêt?

I Johannesib 2:19

Uvaptingnit taipkoa aularput, illaginginaptigik; illagilaurunitigut uvaptingnêtsainarajalauᴋput; (aularpulli) saᴋᴋijarᴋovlugo ilûnatik illagilaungimatigut.