Mattêuse 11:5 - Labrador Inuttitut Heritage Bible

⁵ Tautungitut tautulerput, tussiaktullo pisulerput, kaladlartut kalagungnairput, tussângitut tussalerput, toᴋungajut ômarput, aklujullo oᴋautjauvut oᴋautsinik tussarnertunik.

Mattêuse 11:5 Iomraidhean Croise

II Atannit 5:14

Tagva niovok, missiklunelo Jordanemut, akkarlunelo 7 êrtorlune, sorlo Gûdib anguteᴋotinga oᴋalaungmat: uviningalo âkᴋiktaumavok nukapiab inosuktub uviningatut-idlune, ivsornailunelo.

II Atannit 5:7

Israelitillo atanningata aglait tamakkoa attuaramigit, annoraᴋotine allikpait, oᴋarlunelo: Gûdeovîk, toᴋotsijungnarajarlunga omartitsijungnarajarlungalo, tilliklervigingmanga, angut tamna kallangêjarlugo piᴋovlunga? Kamatsiaritse ᴋanok pitjutiksarsiormat uvamne.

Imgerut 146:8

Nâlekab tautungitut tautuktipait. Nâlekab kattalungajut maksoatipait. Nâlekab idluartut nagligivait.

Imgerut 22:26

Pattangajut nerrijuksauvut, ᴋâgungnaituksaulutiglo; Nâlekamiglo apperᴋuteᴋartut nakorijomârpât; ômattise innôjuksauvut issoᴋangitomut.

Exodus 4:11

Nâlekable oᴋautivâ: Kia inuit ᴋaneᴋartipagît? Ubvalo kia oᴋajuitut tussilartullo tautuktullo tautungitullo taimaitipagît? Uvanga Nâlegak pingitungâ?

Jesaiase 29:18

Taipsomane tussângitut aglait oᴋausingit tussaromârpait, tautungitullo ijingit târmit tâᴋtomillo tautugomârput.

Jesaiase 29:19

Ajulertullo ᴋuviasûteᴋaromârput Nâlekame, aklujullo inuit akkornganne serridlaromârput ivlernartitome Israêlikkune,

Jesaiase 43:8

Annilit inuit tautungitut ijeᴋaralloartut, tussângitullo siuteᴋaralloartut.

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Saggaria 11:7

Taimaimat saukat toᴋotaksat nerripkarpakka, saukat ajulernerpât. Tigusivungalo ajaupiârnik maggûngnik, aippangalo taivara Inornartomik, aipâlo Kelarutinik; saukallo nerripkarpakka.

Mattêuse 10:8

ᴋanimajut âᴋidlarsigik, kaladlartut kalagungnaitisigik, toᴋungajut ômartisigik, sâtanasit anitisigik! Akkeᴋangitomik pigapsiuk, akkeᴋangitomik tunisiuk!

Mattêuse 11:4

Jêsusib kiovak, oᴋautivlugiglo: Johannese ama oᴋautijartortikko takojaptingnik tussartaptingniglo:

Mattêuse 12:13

Tagva inuk tâmna oᴋautivâ: Aggaktit issakit. Issakpaillo; âᴋiktaulerpullo iglungititut ilivlutik.

Mattêuse 21:14

Katimavingme tautungitullo tussiaktullo tikipât, pijungnaitipaillo.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Mattêuse 9:30

Tautulerpuglo. Jêsusiblo unipkârᴋongilak tamattominga, Oᴋarlunalo: Udsertuleritik, tamanna inungnut ᴋaujijauᴋonago.

Markuse 7:37

Tataminiarlutiglo oᴋarput: Tamaita idluartipait: tussangitut tussartilugit, oᴋarungnangitullo oᴋartipait.

Markuse 9:25

Jêsusele takogame, inuit ᴋaijalermatta, anerneᴋ ivjornartoᴋ inerterpâ, oᴋautivlugo: Oᴋajuitoᴋ tussângitorlo anerneᴋ perᴋovagit, anît ômangat, kingornganelo iterungnairlutit ômunga.

Lukase 4:18

Nâlekab Anerningata najorpânga, taimaimat mingoalaukpânga, tililarmalo oᴋautsinik tussarnertunik oᴋâlaᴋovlunga aklujunut, inûliklerᴋovângalo serᴋomisimajunik ômatilingnik, parngnanairsimavingmêtullo aniviksanginik ᴋaujitilugit, tautungitullo tautulerᴋovlugit, kappiasuktullo kappiasugungnairᴋovlugit ajorungnairᴋovlugillo,

Johannese 10:25

Jêsusib oᴋautivait: Oᴋautigijarêrpara ilipsingnut, okperingilaselo. Piniarnerit piniarnerijakka Atâtama attingane, kigligiutsivut uvamnik.

Johannese 10:38

Piniarnerigupkille, piniarnerit okperisigik, uvanga okperijomangikupsinga, ilitarsilerᴋovluse okpilerluselo, Atâta uvamnêngmat uvangalo tâpsomanênama.

Johannese 2:23

Aularviksiorveᴋarningane Jerusalemêtilugo, unuktut okpilerput atinganut, tatamnartitangit takogamigit.

Johannese 3:2

Tâpsoma unnuangotilugo Jêsuse tikipâ, oᴋautivlugolo: Ajoᴋertuijok, ᴋaujimavogut, ajoᴋertuijôvlutit Gûdemit pigavit; iliktut tatamnartitsijoᴋarungnangimat, Gûdib aiparikpago kisiane.

Johannese 5:36

Uvangale pijariarᴋortunersamik kigligiutjuteᴋarpunga Johannesib kigligiutjininganit; piniarnerille, Atâtab ᴋailauᴋtangit uvamnut, nâjerᴋovlunga tamakkoninga, piniarnerit tamakkoa piniarutigijakka, kigligiutjivut uvamnik, Atâtab tilingmanga.

Johannese 9:7

Oᴋautilugolo: Siloab (imaipok: tilijab) tesinganut ailerit ermiklutillo. Tagva ailerpok ermiklunelo, tautuklunelo ᴋaivok.

Apostelit Piniarningit 2:22

Ilipse angutit Israêlitiojose, oᴋautsit ukua tusâsigik: Jêsuse Nazaremiok, angut Gûdemit pijoᴋ, sakᴋijâlaukpok akunapsingne piniarnerminut, tatamnartulinerminullo, nalunaikutanullo, Gûdib tamakkoa tâpsomûna piniarnerilaungmagit akunapsingne, ilipsetauk nangminek ᴋaujimagapsetut.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?