Mattêuse 11:23 - Labrador Inuttitut Heritage Bible

²³ Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.

Mattêuse 11:23 Iomraidhean Croise

Genesis 13:13

Kissianele Sodomamiut uivêtoᴋsôvut idluitulijoᴋsôvlutiglo Nâlekab sângane.

Jeremiab Ogguarutigijangit 2:1

Sinaungamek! Nâlekab Zionib paninga uliksimangmago ningaumajârnime nuvujanganut; Israêlib pinnarnarninga egilaukpâ ᴋilangmit nunamut, erᴋaringilâlo itikame ikogganga ningaumajârnime uvlungane.

Hesekiel 26:20

Kanungartitsomavagit attersârtut itersâlungmut ilagivlugit, inungnut itsarnitanut, nunaᴋartitsomârpagillo nunane allerpâne, inine nutaungitomit inuêrutjaujune, itersâlungmut attersârtut ilagivlugit, inuᴋarungnaiᴋovlutit, allianarnîllo ilijomângilara inôjut nunangane.

Hesekiel 31:14

Imaitoᴋ pivlugo: napârtut imît senianêtut neliallônêt poᴋtonermingnik piojorijuteᴋarᴋonagit, pititsiᴋonagillônêt pappingmingnik nuvujat akornganut, pitsartujungillônêt, miluartut imermik, angijorortiᴋonagit poᴋtojoᴋsônitik pivlugit; ilûnatik tunijaungmatta toᴋomut, nunamut allerpâmut, inûb ᴋitorngangit ilagivlugit, tâpkoa ilagivlugit itersamut atersârtut.

Hesekiel 32:18

Inûb erninga, Egiptenib inugiartoᴋsoangit ᴋeagikit ijukartilugillo nunab allerpânginut, ilâ, tâmna inôᴋatigêksuillo piluangojut paningit ilaliudlugit, tâpkoa itersâlungmut atersârtut ilagivlugit.

Hesekiel 32:24

Tagvanêpoᴋ Elam inugiartoᴋsoangillo ilûnatik iluvingata avatâne; ilûnatik toᴋotauvlutik, oggotitauvlutik saviksoarmut, kipimanatik kanungarsimavut nunab allerpânganut, kapiasungneᴋartitsilauᴋtut inôjut nunangane, nangmarlutiglo kangusungnermingnik itersâlungmut atersârtut ilagivlugit.

Obadia 1:4

Nektoraliktut ᴋongmuartigigaloaruvit, Uvloᴋaraloaruvillo uvloriat akorngane, tagvangat kataktitsomavagit, oᴋarpoᴋ Nâlegaᴋ.

Mattêuse 10:15

Âhamarik oᴋautivapse: Sodomamiut Gomorramiullo nunâgik pitlartaunikinersaujomârpuk uvluksame erᴋartuivingme, iglugasaksoarnit ukkonangat.

Mattêuse 16:18

Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.

Mattêuse 17:24

Kapernaumulle pingmatta, kênaujanik ataniub Nunaliksiutauᴋojanganik katersijut Pêtruse tikipât oᴋarlutiglo: Ajoᴋertortipse kênaujak nunaliksiutauᴋojak tunivangilaûk?

Mattêuse 4:13

Iglugasaillo Nazaretemik atilit ᴋemakpait, Kapernaumullo tesseksûb sinânêtomut pivok, Zabuloniblo Naftaliblo erᴋângne, tagvanêlerdlunalo.

Mattêuse 8:5

Jêusele Kapernaumut itermat, sorsuktuksat angajoᴋângata tikipâ, tuksiarvigivlugo,

Lukase 10:15

Igvillo Kapernaum, ᴋangatarsimajotit ᴋilak tikidlugo, natteᴋangitomut kanunga ajaktortaujomârpotit.

Lukase 14:11

Ingminik angijorortitok miklilertitaksauvok; ingminiglo miklilertitok angijorortitaksauvok.

Lukase 16:23

Ânianartoksoarme kappianartovingmêdlune uitalerpok, Abrahalo takovâ ᴋaningitomit, Lazaruselo sarliartanga.

Lukase 4:23

Oᴋautivaillo: Oᴋausiovaktomik oᴋautiniaralloarpapsinga imaitomik: “Inûliklerte, ilingnik piulidlarit.” Angijunik Kapernaume tatamnartitarnik tussaumalaurapta, taimailiorit ovanetauk inugoijauvingne.

Apostelit Piniarningit 2:27

Tarniga anernerit ininganetsainarᴋojomânginangne, ajunginerillo (Kristuse) aserorᴋojomânginavat.

Apostelit Piniarningit 2:31

Sivorngagut tamanna takolauramiuk, Kristusib makininga oᴋautigivâ, tarninga anernerit ininganetsainalaungimat, uviningatalo aserornek takolaungimago.

Jûdasib 1:7

Sôrlotauᴋ Sodoma Gomorralo iglugasaksuillo erᴋânêtut, makkotitunaᴋ ajortulijoᴋsôvlutik, uviningmik assia ikligilugo, maᴋojungnartulidlalauᴋtut, erᴋaraksangortitaungmatta, pidlartauvlutik ikomamut ᴋamisuitomut.

Takotitaunermik 1:18

Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.

Takotitaunermik 11:8

Timîgiglo toᴋungajûk silatuinarmêniarpûk iglugasaksuit angijoksuit apᴋosiningane; tâpkoa Anernek maliklugo issumaᴋarasuartunut taijauvut Sodômamik Egiptenemiglo, tagvane Nâlegavut kikiaktortaulaukpok saningajolingmut.

Takotitaunermik 20:13

Imarbiublo toᴋungajut iluminêtut ᴋaipait, tâᴋtoksûblo toᴋungajut iluminêtut ᴋaitinivait, ilûnatiglo erᴋartortauvut piniarningit maliklugit.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.