Mattêuse 10:23 - Labrador Inuttitut Heritage Bible

²³ Iglugâsaksuille ilangine unangmikpase, assinginut ᴋemâtitse. Âhamarik, oᴋautivapse: Israêlitit iglugasaksoangit ingergajarêrviginiangilase, Inûb Erninga tikerᴋârtinago.

Mattêuse 10:23 Iomraidhean Croise

Jeremia 26:21

Jojakimiblo ataniojub, pitsartujoᴋotingitalo, angajoᴋâᴋsuillo, oᴋausingit tusaramigit, ataniub toᴋonasuarpâ; Uriable tamanna tusaramiuk sivôravoᴋ, ᴋemâvlunalo, Egiptenemut aivlune;

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Mattêuse 16:28

Âhamarik oᴋautivapse: Nangertut ovane ilangita toᴋo ôngniangilât, Inûb Erninga nâlegaunermine aggertok takoᴋârnago.

Mattêuse 2:13

Aularmattale, ahâk, Nâlekab Engelingata Jôsefe sakᴋervigivâ sinnaktomanikut oᴋarlunalo: Makitit, nutarârsuglo anânangalo ilingnut pikik, nunamullo Egiptenemut ᴋemâlerit, taikanêlutillo, uvamnut oᴋautijauᴋârtinak; Herôdesib nutarârsuk toᴋonasuarmago.

Mattêuse 23:34

Taimaimat, akâk, tilivakka ilipsingnut nalautaijullo, silatujullo, aglangniglo ilisimajut; taipkoalo ilangit toᴋotsomârpase, ᴋejungmut saningajolingmut kikiaktorlugit, ilangillo katimavipsingne issaᴋadlaromârpase, unangmivlugillo iglugasaksoarnit iglugasaksoarnut.

Mattêuse 23:36

Âhamarik, oᴋaupapse, tamakkoa tamaita pivlugit kinguvângoᴋatigêt ukkua akkiniartaujomârput.

Mattêuse 24:27

Sorlo ᴋaumalak aningmat (seᴋerngub) nuivianit, ᴋaumaingmallo nipivianut, taimaitsomârpoktauk Inûb Erningata tikiviksanga.

Mattêuse 24:30

Inûblo Erningata nalunaikutanga tâva takuksaujomârpok ᴋilangme. Kinguvângoᴋatigello nunamêtut ilûnatik ᴋeadlaromârput, Inûblo Erninga takojomarpât ᴋilaub nuvujangitigut akᴋartok, pitsartudlarlune ânanaudlartok.

Mattêuse 24:34

Âhamarik oᴋaupapse: Kinguvângoᴋatigêt ukkua nunguniangilat, makkoa ilûnatik nâmakserᴋârtinagit.

Mattêuse 24:48

Kivgakullugle, tâpsoma assia, oᴋarpat: Atanerijara sulle tikiniangilak;

Mattêuse 25:13

Tamanna pivlugo pigâritse; uvlorlônêt stundelônêt nalogapsigik, Inûb Erningata tikitsomârvinga.

Mattêuse 26:64

Jêsusib oᴋautivâ: Nelâgut oᴋarpotit. Oᴋautivapsele, mânamit Inûb Erninga takojomârpase iksivajoᴋ pitsartunerub talerpiata tungâne, ᴋilaublo nuvujangitigut akᴋartok.

Mattêuse 4:12

Jêsusible Johannese parngnanairsimavingmut pititaujok tussaramiuk, Galilêamut aivok.

Markuse 13:26

Inûblo Erninga tâva takojomârpât ᴋilaub nuvujangitigut akᴋartoᴋ, pitsartudlarlune ânanaudlartoᴋ.

Lukase 18:8

Oᴋaupapse: Piulisâromârpait. Inûble Erninga tikitsomârpat, nuname okpernermik nagvâromârasugiviûk?

Lukase 21:27

Taimaipallo Inûb Erninga tagva takoniarpât nuvujatigut ᴋaijok, pitsartudlarlune ânanaudlartok.

Johannese 7:1

Mattoma kingorngagut Jêsusib Galilêa ingergavigivâ; Jûdêa ingergavigijomanginamiuk, Jûdit toᴋonasuarmatsuk.

Apostelit Piniarningit 17:10

Unnuamele ᴋatangutigêt Pauluse Silaselo erinesârdlugik aulartipakit Berêamut. Tagvunga pigamik, Jûdit katimavinganut iterpuk.

Apostelit Piniarningit 17:14

Katangutigêlle tagva tuavidlutik Pauluse aulartipât, imânut ailerᴋovlugo, Silasele Timôteuselo tagvanêlerpuk.

Apostelit Piniarningit 20:1

Perajaludlarungnairmatta, Paulusib iliniartut ᴋaiᴋolerpait, sorairutiksamik oᴋautivlugit, tagvangallo aularpok, Mazedôniamut aijomavlune.

Apostelit Piniarningit 8:1

Saulusible Stefanusib toᴋotauninga idluarivâ. Taipsomane ilagêktut Jerusalemêtut angijomik unangmijaulerput; tâpkoalo ilûnatik siamarterput nunangnut Jûdeamut Samâriamullo, Apostelit kisimik pinatik.