Mattêuse 10:19 - Labrador Inuttitut Heritage Bible

¹⁹ Atsomârpasele, sivôraniarase, ᴋanok sumiglônêt oᴋausiksaᴋarniarmangâpse; stundeme tâpsomane tunitjivioniarapse kigusiksapsingnik.

Mattêuse 10:19 Iomraidhean Croise

Exodus 4:12

Taimaimat aularit taikunga. Uvanga ᴋanît najoromavara ajoᴋertoromavagillo oᴋautigijaksarnik ᴋanok.

Exodus 4:15

Tâmna oᴋarvigijaksarivat, oᴋausiksat ilivlugit ᴋaninganut. Uvangalo ᴋanît najoromavara ᴋaningalo, ajoᴋertoromavaptiglo iliortuksauniptingnik ᴋanok.

Jeremia 1:7

Nâlakable oᴋautivânga: Oᴋarniarnak inôsuluadlarnernik; namullônêt tiligupkit aijuksauvotit, sumiglônêt perᴋogupkit oᴋâlajuksauvotit.

Jeremia 1:9

Nâlakablo aggane issakpait, ᴋaneralo aktorlugo; Nâlakablo oᴋautivânga: Ahâk, oᴋausikka ilivakka ᴋanernut!

Mattêuse 10:18

Atanernullo atanersoarnullo âtsomârpâse pivlunga, taipkoa nalojullo nalojungnairutiksanginut.

Mattêuse 6:25

Tamanna pivlugo oᴋautivapse: Inôsise pivlugo siaklernairase, nerᴋiksapsingniglônêt imiksapsingniglônêt, timipselônêt annorâksanginik. Inôsise anernarnersaungilât nerᴋemît? Timiselo anernarnersaungilât annorânît?

Mattêuse 6:31

Taimâk pivlugo issumanerluktuksaungilase oᴋarluse: Sumik nerriniarᴋitâ? Sumiglo imerniarᴋitâ? Sumiglônêt Annorâksaᴋarniarᴋitâ?

Mattêuse 6:34

Taimaimat ᴋauksaᴋ issumaginasiuk, ᴋauksak piksaminik pinialermat. Nâmakpoᴋ uvlut ilûnatik ingmikut siaklerviokpatta.

Lukase 12:11

Katimavingmingnulle, atanersoarnullo ataniojunullo âpase issumajâruteᴋarniarase ᴋanok sumiglônêt oᴋausiksaᴋarniarmangâpse kigusiksaᴋarmangâpselônêt.

Lukase 12:12

Anernerub ajunginerub ajoᴋertorniarmase stundeme taipsomane oᴋauseᴋariaᴋarniksapsingnik.

Apostelit Piniarningit 6:10

Sillatuningalo anernerlo oᴋâlajutigijanga akkerartorungnangilaᴋit.

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.