Mattêuse 10:15 - Labrador Inuttitut Heritage Bible

¹⁵ Âhamarik oᴋautivapse: Sodomamiut Gomorramiullo nunâgik pitlartaunikinersaujomârpuk uvluksame erᴋartuivingme, iglugasaksoarnit ukkonangat.

Mattêuse 10:15 Iomraidhean Croise

Mattêuse 12:36

Oᴋaupapsele, uvluksak erᴋartuivik naliutikpat, inuit kiojuksaujomârmatta oᴋautsitik piungitut ilûnaita pivlugit.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Mattêuse 7:22

Uvloksame naliutsomârtome unuktut oᴋautijomârpânga: Nâlegak, Nâlegak, atterne nalautsitiksanik oᴋalaungitogût? Sâtanasit atternut anitilaungilavût? Unuktuniglo tatamnartulilaungilagût atternût?

Markuse 6:11

Illangitalo illalioromangipase, oᴋausise tussaromanagillônêt; anititse tagvangat, itikapselo saningit katerarsigik nelojungnairutiksanginut (erᴋartortaujutiksanginullo). Ahamarik oᴋautivapse: Sodomablo Gomorrablo inugilauᴋtangit pitlartaunikinersaujomârput uvluksame erᴋartuivingme iglugasaksoarnit ukkunangat.

Johannese 12:48

Uvamnik nachojoᴋ illalioranelo oᴋautsimnik, tâmna peᴋalerêrpoᴋ erᴋartortiminik; oᴋautsit oᴋauserilauktama, tamakkoa erᴋartoromarpât uvlut naggatiksangane.

Johannese 6:39

Tamadjale Atâtama tilijima pijomajanga, asiojoᴋarᴋonago tamainit, tunilauktanginit uvamnut, ômartitserᴋovlungale tâpkoninga uvlut naggatiksangane.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Apostelit Piniarningit 17:31

Uvlormik taisimalaurame, silaksoarmiunik idluarsaivlune erᴋartuijomârvingminik angutikut piniarᴋojamigut, ilûnaita okpertitsomavlugit, toᴋungajunit tupaktinamiuk.

I Korintemiunut 3:13

Ilûnatik sananingit nalonaromâtsangilat; uvlub (tikitsomârtub) sakᴋertitsomârmagit; ikomamut nalonaititaujomârmatta, ilûnatiglo sananingit ᴋanok ilingangmangâta, ikomab ôktoromârpait.

I Tessalônikamiunut 5:4

Ilipsele, ᴋatangutikka, tâᴋtomêngilase; tamanna pivlugo uvluksab taipsoma tigliktotut opingarniatsangilâse.

Ebrêerinut 10:25

Katimaniksavullo kamagijungnainiarnagit, sorlo illangit pivangmatta; kaiblartigêklutale, taimaglo pijariaᴋaluarpoᴋ, tautukapse, uvluksaᴋ ᴋaglilermat.

II Pêtrusib 2:6

Iglugasaksuillo Sodoma Gomorralo argjainautilerdlugit pidlalauramigit asserorlugit, erᴋaraksangortidlugit idluitulijunut, kingorngane pijomârtunut;

II Pêtrusib 2:9

Tagva Nâlekab Gûdemik nâlektut piulidlarungnarpait ôktortaunermit, idluitulle ᴋumergusiudlugit erᴋartuiviksamut, pidlartauᴋovlugit;

II Pêtrusib 3:7

Kilagle nunalo mattomanêtûk oᴋausinganuttauᴋ tamattomunga pigumitângulerpûk, pijuksaujomârlutik ikomamut uvluksame erᴋartuivingme, inuillo Gûdemik nâlegomangitut pidlartauviksangane.

I Johannesib 4:17

Tamattomunga naglingniᴋ nâmaksivoᴋ uvaptingni, ᴋuviasûtiᴋarᴋovluta uvluksami erᴋartuivingmi; sorlo tâmna ingmat, taimainivogut silaᴋsoarmi tamattomani.

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Jûdasib 1:7

Sôrlotauᴋ Sodoma Gomorralo iglugasaksuillo erᴋânêtut, makkotitunaᴋ ajortulijoᴋsôvlutik, uviningmik assia ikligilugo, maᴋojungnartulidlalauᴋtut, erᴋaraksangortitaungmatta, pidlartauvlutik ikomamut ᴋamisuitomut.