Mattêuse 10:1 - Labrador Inuttitut Heritage Bible

¹ Ilinniartinalo 12 it ingminut ᴋaiᴋovait, pitsartuneᴋartilaitalo anernernut maᴋojungnartunut, anititserᴋovlugit tamakkoninga; ᴋanimajuniglo sunatuinarnik atsuiliungituniglo sunatuinarnik pijungnaititserᴋovlugit.

Mattêuse 10:1 Iomraidhean Croise

Mattêuse 19:28

Jêsusible oᴋautivait: Âhamarik oᴋaupapse, mâna malikapsinga, ilûnatik nutaujomârpatta, Inûblo Erninga iksivajomârpat iksivautamine ânanaunersoalingme, ilipsetauk iksivajomârivose iksivautane 12 ine, erᴋartorlugillo Israêlib kinguvângit ᴋitorngarêt 12 it.

Mattêuse 26:20

Unnulermallo 12 it illagivlugit nerrimârvingmut ingipok.

Mattêuse 26:47

Sullelo taimâk oᴋartilugo ahâk, Jûdase 12 it ilangat tikilerpok, inugasaksuit illagivlugit, saviksoalijarlutik ajaupialijarlarmiglo, ajoᴋertuijoksoarnit inuillo angajoᴋânginit pijut.

Mattêuse 4:23

Jêsusiblo nuna Galilêa ilûnât ingergavigivâ, katimavinginalo ajoᴋertuivok, oᴋautsillo tussarnertut nâlegauvingmik oᴋâlatigivait, ᴋanimajullo atsuiliungitullo inungnêtut âᴋikpait.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Mattêuse 9:35

Jêsuselo arvertarpok iglugasaksoatigut iglugasaktigullo ilûnaitigut, ajoᴋertuivlune katimavingine, oᴋautsillo tussarnertut nâlegauvingmik oᴋautigivlugit, inungnalo atsuiliungitut, ᴋanimajullo sunatuinait âᴋikpait.

Mattêuse 9:38

Tamanna pivlugo katitaksat inuat tuksiarvigisiuk, sanajuksanik tiliklerᴋovlugo katersivingminut.

Lukase 10:19

Ahâk, pitsartunermik tunitjivigilaukpapse, ᴋuglugiarâluit kingupaujârtulllo tullerarlugit, akkerartortiblo pitsartuninganut ilûnânut nâlegautipapse, sumullônêt akᴋunartauniangilase.

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Lukase 24:49

Ahâglo, atâtama oᴋautigilauktanga ilipsingnut tilijomavara. Ilipsele iglugasaksoarne Jerusalemêtuksauvose, pângat pitsartunermik tunitsivioᴋârase.

Lukase 6:13

ᴋaulermallo ilinniartine ᴋaiᴋovait, tâpkonangallo 12 it anerivait, tâpkoa tailerdlugittauk Apostelinik:

Johannese 17:2

Sôrlo pitsartunermik tunitjivigigangne uviningnut tamainut, inôtsemik nungusuitomik tunijerᴋovlugo ilûnnainut, tunijarnut tâpsomunga.

Johannese 3:27

Johannese kiovoᴋ oᴋarlunelo: Inuk tigusijungnangilak sumik, ᴋilangmit tunitjiviongikune.

Johannese 3:35

Atâtab Ernine erdligivâ, tamaitalo tunilauᴋpait tâpsoma agganginut.

Johannese 6:70

Jêsusib kiovâ: Uvanga 12 iojose anerilaungilapsê? Illaselo atausek Sâtanaseovok.

Apostelit Piniarningit 1:8

Pitsartunermigle pilârpose, Anernerub ajunginerub tikilârpase; kigligiutsijigilârpapselo Jerusalemiunut Jûdêamiunullo ilûnainut, Samâriamiunullo, silaksûblo issua tikidlugo.

Apostelit Piniarningit 19:15

Anernerle ajortoᴋ kiovok oᴋarlunelo: Jêsuse ilitarivara, Pauluselo nalunginivara; ilipsele kinauvisê?

Takotitaunermik 12:1

Kilangmelo nelunaikutaᴋsoak sakᴋerpok: Arnak seᴋinermik annorârsimajok, takᴋerlo itigangita atânêtok, niaᴋominelo niaᴋôteᴋarlune uvloritjanik 12 nik.