Mattêuse 1:21 - Labrador Inuttitut Heritage Bible

²¹ Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.

Mattêuse 1:21 Iomraidhean Croise

Genesis 17:19

Tagva Gûde oᴋarpoᴋ: Ahammarik, Sara nuliat ernermik ernijuksauvoᴋ illingnut, taimna Isaamik atseraraksarivat, angerneralo tâpsomunga nalautsititsomavara, angerneᴋ nâksaungitomut ilingajuksaᴋ, kinguvâksanginullo kingorngagut pijuksanut.

Genesis 17:21

Angernerale nalautsititsomavara Isaamut, Sârab erniarijomârtanganut illingunt achâgo nalliutome piviksaujome.

Genesis 18:10

Oᴋarporlo (illangat): Achâgo amma tikkitsomârivunga illingnut nelliutikpat, tagva nuliat Sara erneᴋaromârpoᴋ. Tamanna Sarab tussarpâ tupiub tunuanêtub pânganêdlune.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 1:25

Aktungilâle, erniarerᴋârtaminik ernerᴋârtinnago, atserarpâlo Jêsusemik.

Lukase 1:13

Engelible oᴋautivâ: Zacharîase, erᴋsinak, tuksiarnitit tussartauvut, nuliallo Elisabet ernijomârpok erniksarnik, taimna Johannesemik atseraraksarivat.

Lukase 1:31

Ahâk, singailârpotit timingne, ernermiglo ernijomârpotit, tâmna Jêsusemik atseraraksarivat.

Lukase 2:11

Pivluse mâna piuliklerte Nâlegak Kristûse erniangongmat, Dâvidib iglugasangine.

Lukase 2:21

Uvlullo sitamaujortôlermatta, nutarârsuk kipijaungmat, ateᴋartipât Jêsusemik Engelib taimâk taingmago, sulle anâname timingata ilunanêlerᴋârtinago.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 4:42

Arnamullo oᴋarput: Okperapta oᴋautsitit pitjutigijungnairpavut, nangminek tusarapta tukkisilutalo, tâmna ilâ Kristûseongmat, silaᴋsoarmiut piulijingat.

Apostelit Piniarningit 13:23

Tâpsoma kinguvânginit Gûde, angernine maliklugo, Israêlib piulijiksanganik Jêsusemik sakᴋijârtitsilaukpok.

Apostelit Piniarningit 3:26

Sivorlermik ilipse pivluse Gûdib ᴋitorngane Jêsuse tupaktilaukpâ, tililaukpâlo ilipsingnut, saimartitauᴋovluse, ilûnase atunit sâgiarᴋovluse idluitulinipsingnit.

Apostelit Piniarningit 4:12

Asianiglo piulijiksaᴋangilak, ateᴋangilarlo asianik ᴋilaub atâne, inungnut tunijaujomik, tâpsomunga piloriktitauᴋovluta.

Apostelit Piniarningit 5:31

Tâmna Gûdib talerpingmigut Nâlegangortilaukpâ piuliklertungortilâllo, Israêlitit ᴋaᴋialerneᴋartitauᴋovlugit isumangnarungnaitoᴋartitauᴋovlugillo ajortunit.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 7:25

Taimaimat tâpsomûna Gûdemut pijut, tâpsoma piulijungnarpait soraijunane; inôtsainarlarmelo tuksiarutivait.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 3:5

Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.

Idluarsaijut 13:3

Nâlekablo Engelingata arnak tamna sakᴋervigiva oᴋautilugolo: Ahâk ᴋitorngisuipotit, ernilungilatillo sunamik; singailerniarpotille, erniniarlutillo ernermik.

I Samuel 1:20

Uvlullo illangit ᴋângermatta singailerpok, ernermiglo ernivok, Samuelemiglo atserarpa; oᴋarlunelo: Nalekamit ᴋenuarilaurapko.