Mattêuse 1:20 - Labrador Inuttitut Heritage Bible

²⁰ Taimagle issumaᴋalermat, ahâk, Nâlekab Engelingata sakᴋervigivâ sinnaktomanikut, oᴋarlune: Jôsefe, Dâvidib erninga, sivôranak, Maria nuliaksat ilingnut pilugo; singainga Anernermit ajunginermit pingmat.

Mattêuse 1:20 Iomraidhean Croise

Genesis 31:11

Gûdiblo engelingata oᴋautivânga sinnaktômatilunga: Jako! kiovaralo: Mânêpunga.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

I Atannit 17:13

Eliab oᴋautiva: Sivuraniarnak, ailerit pinniarlutillo, sorlo oᴋarlauravit; sivurlermigle sâtoârsungmik igalerit tapᴋonangat pivlunga, annitsivigilungalo tamattominga, pivlutille ernillo pivlugo sanalerit kingorngane;

I Atannit 3:5

Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.

Imgerut 119:125

Kivgarivarma; illisalaunga, kigligiutsinernik illitarksilerᴋovlunga.

Imgerut 143:8

Uvlarârsukut tussarᴋovlunga saimarveᴋarnernik, tattigigapkit. Nallojungnaitilaunga apᴋosinermik arvertarviksamnik; ᴋajungervigigapkit.

Imgerut 94:19

Issumajârneᴋalaukpunga unnuktunnik ômattimne; manigoinivîlle tarniga erᴋiêrtortilaukpât.

Salomob Okâl 12:5

Idluartut issumangit nellâgôrput; Gûdeᴋangitulle kajusimaningit uiveriklerniôvut.

Jesaiase 26:3

Omat aulajungnangertoᴋ ullapirsauteᴋartipat aulangitomik, tattigingmattit.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jesaiase 7:13

Tagva oᴋarpoᴋ: Attê, tussaleritse illipse Dâvidib iglunganẽtose! Nãmaksingilase inuit pagvisârlugit; Gûdigatauᴋ pagvisâromavisiûk?

Jesaiase 7:2

Dâvidiblo kinguvângit oᴋautjauvut imâk: Siriamiut Efraimeme tangmârput. Tagva attaniub õmatinga inuᴋotingitalo õmatingit sajukput napârtutitut aulataujutitut anoremut napârtoliksoarme.

Jeremia 31:22

Kanoᴋ sivitutigijomik utitaromavêt, panik kingopiosartotît? Nâlagaᴋ nutâmik pingortitsivoᴋ nuname; arnab angut iluvâ.

Jeremia 33:26

Tagvatauᴋ Jâkob kinguvângit, kivgamalo Dâvidib kinguvângit iperaromagivakka, tigusijungnaiᴋovlunga kinguvângita ilanginik ataniotijuksaujunik Abrahab, Isaablo, Jakoblo kinguvânginut; aularutijaujungit utertitsomârapkit, nâpkigijomavakkalo.

Jeremia 40:9

Gedaliablo, Ahikamib, Sâfanib erningata, erningata angervigimarikpait tâpkoa angutingillo, oᴋarlune: Sivôraniarase Kaldêamiut kivgartorlugit; nunamêtuaritse Babiloniblo ataninga kivgartorlugo, ᴋanoeniangilaselo tagva.

Joel 2:28

Pijomarporlo tamattoma kingorngane, anernera kovijomârapko uvinilingnut tamainut; erniselo paniselo nelautaijomârput, ituselo sinnartomajomârput, inôsuktoselo takotitjutinik takojomârput;

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Mattêuse 1:18

Jêsusible Kristûsib erniangoninga imaipok: Anânanga Maria, Jôsefemut angersimalerame, katerᴋâratik, malungnarsivok, singailermat Anernermit agunginermit.

Mattêuse 2:12

Gûdiblo sinnaktomanikut perᴋovait, Herôdesemut uterᴋonagit. Apᴋotigilauktamiglo assiagut nunamingnut angerarput.

Mattêuse 2:13

Aularmattale, ahâk, Nâlekab Engelingata Jôsefe sakᴋervigivâ sinnaktomanikut oᴋarlunalo: Makitit, nutarârsuglo anânangalo ilingnut pikik, nunamullo Egiptenemut ᴋemâlerit, taikanêlutillo, uvamnut oᴋautijauᴋârtinak; Herôdesib nutarârsuk toᴋonasuarmago.

Mattêuse 2:19

Herôdesele toᴋungmat, ahâk, Nâlekab Engelingata Jôsefe sakᴋervigivâ sinnaktomanikut Egipteneme,

Mattêuse 2:22

Tussaumagamiugle Arkelause ataniolertok Jûdêame, atâtane Herôdese innangerdlugo, tâvunga ainermik sivôralerpok. Sinnaktomanikut Gûdemut perᴋojauvlune nunamut Galilêamut ailerpok.

Mattêuse 27:19

Kiglisiniarviublo iksivautangane iksivalertilugo, nuliangata oᴋautjaujartorᴋovâ: Idluartok una allaruk; unnuak sinnaktomavlunga tâmna pivlugo angijomik ikpigilaukpunga.

Mattêuse 28:5

Engelele arnângnut oᴋarpok: Erᴋsiniaratik, nalungilaptik, Jêsuse Nazarêmiok ᴋeneraptikko.

Lukase 1:19

Engeliblo kiovlune oᴋautivâ: Gabriêliovunga Gûdib sângane nangertunga, tilijauvungalo oᴋautjauᴋovlutit, tamattomingalo nalojungnaititauᴋovlutit.

Lukase 2:4

Tagva Jôsefetauk aularivok Galilêamit, iglugasangnit Nazaretemit, Judêamut, Dâvidib iglugasanginut, Betlehemik atilingnut, Dâvidib iglunganit kinguvânginillo pigame,

Apostelit Piniarningit 5:19

Nâlekable Engelingata parngnanairsimaviub upkuanga angmarpâ unnuame, anitilugillo oᴋarpok:

Takotitaunermik 19:7

ᴋuviasulerta serrilutalo nâlengniarlugo; Saugârsûb katititauvia okpertoᴋotiminut neliutingmat, nuliaksangalo ingminik âᴋiksorsimavok.

Idluarsaijut 13:3

Nâlekablo Engelingata arnak tamna sakᴋervigiva oᴋautilugolo: Ahâk ᴋitorngisuipotit, ernilungilatillo sunamik; singailerniarpotille, erniniarlutillo ernermik.