Markuse 9:31 - Labrador Inuttitut Heritage Bible

³¹ Illiniartine ajoᴋertorlugit oᴋautivait: Inûb Erninga pititaujomârpoᴋ inuit agganginut, toᴋotsomârpâllo; toᴋotaukpalle, uvluk pingajuangne makitsomârivoᴋ.

Markuse 9:31 Iomraidhean Croise

Mattêuse 16:21

Mattoma kingorngagut Jêsusib ilinniartine oᴋautivait Jerusalemut aijariaᴋarnerminik, angajoᴋânullo, ajoᴋertuijoksoarnullo, aglangnik ilisimajunullo âniatitaujariaᴋarnerminik angijomik, toᴋotaujariaᴋarnerminiglo, makitjariaᴋarnerminiglo uvluk pingajuangne.

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Mattêuse 26:2

Nalungilase, uvluk maggûk nâkpanik aularviksiorviolârmat; Inûblo Erninga pititaulârmat, kikiaktortauᴋovlugo ᴋejungmut saningajolingmut.

Mattêuse 27:63

Oᴋarlutiglo: Atanek, erᴋaivogut, uivêtok imna oᴋalaungmat sulle inôvlune: Uvluk pingajuangne makilârpunga.

Markuse 10:34

Taipkoalo mitautigilârpât, issaᴋavlugolo ᴋetserarlugolo toᴋolârpât, uvluglo pingajuangne makilârivoᴋ.

Markuse 8:31

Ajoᴋertulerpaillo: Inûb Erninga âniatitaujariaᴋarpoᴋ angijomik, ajaktortaujariaᴋarlunelo angajoᴋânut ajoᴋertuijoᴋsoarnullo, aglangniglo illisimajunut, toᴋotaulunelo, uvluglo pingajuangne makitsomârivoᴋ.

Markuse 9:12

Kiovaillo oᴋautivlugit: Ahaila, Elîase tikerᴋartuksaugalloarpoᴋ, tamaitalo idluarsitilugit; taimaktauᴋ Inûb Erninga angijomik kappiasuktitaujariaᴋarpoᴋ nachogijaulunelo, sorlo aglaksimangmat.

Lukase 24:26

Kristûse taimâk âniatitaksaulaungilâk ânanaunerminullo iterlunê?

Lukase 9:44

Oᴋautsit ukkua siutipsingnut tussarsigik, Inûb Erninga pititaujariaᴋarmat inuit agganginut.

Johannese 10:18

Arᴋtaijoᴋangilak tamattominga uvamnit, isumamnigle iperarpara. Pitsartuneᴋarpunga iperarlugo, pitsartuneᴋarivungalo ama tigulugo. Perᴋojamik taimaitomik tunitjiviovunga Atâtamnut.

Johannese 2:19

Jêsusib kiovlunelo oᴋautivait: Katimavik una asserorsiuk; uvluglo pingajuangne napartitsomagivara.

Johannese 3:14

Sôrlolo Môsesib ᴋuglugiangoak napautilaungmago inuᴋangitome, taimaktauk Inûb Erninga napautjaujariaᴋarpok;

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.