Markuse 9:1 - Labrador Inuttitut Heritage Bible

¹ Oᴋautivaillo: Ahamarik, oᴋautivapse, nangertut ovane illangita toᴋo ôngniangilât, Gûdib nâlegauvinganik pitsartovlune tikitomik takoᴋâratik.

Markuse 9:1 Iomraidhean Croise

Mattêuse 16:28

Âhamarik oᴋautivapse: Nangertut ovane ilangita toᴋo ôngniangilât, Inûb Erninga nâlegaunermine aggertok takoᴋârnago.

Mattêuse 24:30

Inûblo Erningata nalunaikutanga tâva takuksaujomârpok ᴋilangme. Kinguvângoᴋatigello nunamêtut ilûnatik ᴋeadlaromârput, Inûblo Erninga takojomarpât ᴋilaub nuvujangitigut akᴋartok, pitsartudlarlune ânanaudlartok.

Mattêuse 25:31

Inûble Erninga ânanaunermine tikikune, Engelit ajungitut tamaita illagilugit, iksivajomârpok iksivautamine ânanaunersoalingme.

Markuse 13:26

Inûblo Erninga tâva takojomârpât ᴋilaub nuvujangitigut akᴋartoᴋ, pitsartudlarlune ânanaudlartoᴋ.

Markuse 13:30

Ahamarik oᴋaupapse: Kinguvânguᴋatigêt ukkua nunguniangilat, makkoa ilûnatik nâmakserᴋârtinagit.

Lukase 2:26

Anernermullo ajunginermut nalojungnaititaulaukpok Toᴋonianginerminik Nâlekab Kristûsinganik takoᴋârane.

Lukase 22:18

Oᴋaupapse, imerniangilanga napârtub vaineliksab iptinganik, Gûdib nâlegauvia tikerᴋârtinago.

Lukase 22:30

Nerriluselo imertuksauvose nerrimârvimne nâlegauvimnêtome, iksivaluselo iksivautane, Israêlib kinguvângit ᴋitorngarêt 12 it erᴋartorlugit.

Lukase 9:27

Âhamarik, oᴋautivapsele: Nangertut ovane ilangita toᴋo ôngniangilât, Gûdib nâlegauvianik takoᴋaratik.

Johannese 21:23

Tagva ᴋatangutigêt ingmingnut oᴋalerput: Ilinniartok una toᴋoniangilak. Jêsusible oᴋautilaungilâ: Toᴋoniangilak; imâgle: Pijomaguma tagvanêᴋovlugo tikitsiarilunga, erᴋanangilak ilingnut.

Ebrêerinut 2:9

Tâmnale anikitomik Engelinit mingnersautitaujoᴋ, Jêsusiongmat takovavut, toᴋub ânernadlarningagut niaᴋôsersimajoᴋ nertornarnermik nâlengnarnermiglo, Gûdib nâpkiningninganut toᴋomik ôksiniarᴋovlugo tamaita pivlugit.